那些年，我已把良心埋在葡萄樹下

今天最熱的話題都莫過於北大教授的「香港人係狗」論同埋特首FACEBOOK醫護人員發表心聲被「河蟹」論。老實說，由第一天政府話叫我地唔好話人地係濫用綜援，將綜援戶標籤化開始，我已經覺得，共產黨既做又三十六，唔做又三十六既思想已經主導左香港政府。綜援合理化果一刻開始，我已經悟出左，活在今日的香港，憑良心做事已會令自己背上更多不公平的包袱，誰夠賴皮，誰就是嬴家。

北大教授的「香港人係狗」論，老實說，如果佢一句就可以好似証劵業人士咁吹跌我地香港醫療同福利股，令到D內地孕婦唔黎香港投資生子，我覺得絕對係一件好事，至少以後婦產科既老細們唔會再叫大家好好學習普通話，而蘇永康所講既香港歌手都可以順利捍衛廣東歌市場，唔使再為左打入強國市場而淨係有國語碟出啦~況者，狗係好幫得手既動物，蝗蟲只係食塞米，大家又何必咁激動呢?

特首個賴係親民既FACEBOOK，其實一向都係一個報告版黎GA啦，即係有佢講，無其他人講。擦鞋仔可以協助推熱，反對者屋企部電腦無俾公安強制入屋安裝綠霸軟件已經代表左香港有言論自由GA啦，其實一開始，果位醫護人員根本就去錯左地方留言，有心人士如果有幫佢將留言BACKUP，唔係應該POST響特首個FACEBOOK，係應該POST上高登。我相信廣傳公眾既速度會更快LAW。我好明白，果位醫護人員一心諗住曾生會睇佢既留言。以大家都係醫護人員既角色去俾意見，我會好直接講：「將寶貴既意見給予無懶係比鍾欣桐更天真更傻，如果要引起公眾共鳴及關心內地蝗蟲來港產卵問題，請直接上高登討論區搵巴打們幫手。」

面對現今的香港政府，各位還是自求多福吧................

勞動有價

最低工資尋日終於都落實左啦，講真果句，D老板成日都話會增加經營成本，其實我覺得真係多鬼如。係有良心既雇主，如果真係負起社會責任，就唔會講埋D咁既野啦~

老實講，人工支出上升，你唔想賺少左，我唔信你唔會加價LAW~即係將增加既經營成本轉返俾消費者。所以真係好唔明劉_儀(即係果個工商黨)仲好意思話D老板經營難，成鬼日話將D EXTRA既支出，好似D咩車費津貼由政府包底，我覺得真係好好笑LAW，最低工資未推之前，一邊就話設立最低工資會增加個失業率，仲串我地係LAYMAN，呢D係中五ECON既問題。好啦，到推左最低工資之後就一味諗埋D縮數：「飯鐘有無錢AR??」打工人辛苦工作，連食飯都無錢，呢D咪良心僱主LAW。

最好笑既係如果員工返工既車費都要由政府包底，咁咪真係出問題LAW，大家讀經濟都知，如果政府呢隻無形之手唔出手既話，其實市場會自動將工人既薪金提升，因為請唔到人。所以我真係好想反問果個工商黨，你黨內咁多企業家，你到底識唔識經濟??定還是對商家有著數先叫經濟??

頭條新聞的精神

如果你問我香港最寶貴係咩?我一定會答係言論自由，我地可以公開批評政府既施政。而最特別既地方係，屬於政府既香港電台，最能表現到呢種言論自由。我成日都唔明點解D人話頭條新聞節目係狗咬主人手~第一﹑政府施政一定係對的?明知係錯既野，批評佢就俾人話政府俾錢你，你唔助政府施政，呢D係咩道理?如果政府俾得錢，不論錯對都一定要聽政府話，咁政府可以唔需要再有審計處..........我想舉個例子，就算係君主既年代，為人臣子，主子有錯，敢於進諫才是好臣子。第二﹑言論自由係指可以接納社會不同聲音，港台除左有頭條新聞之外，都有議事論事﹑城市論壇等唔同風格既政治﹑社會節目。三者係可以並存，我唔覺頭條新聞係多餘~又唔見你地話議事論事係多餘?只不過係頭條新聞表達方法激D姐~

炎夏將至，為何有秋意?多事也~

BLOCK2既考試終於都考完啦，咁即係話，兩星期既STUDY LEAVE都完結，明天開始又係WARD既實習戰鬥。近排夏日炎炎，但反而有感秋意。前兩日先響電視機睇左曾余大戰，都係果句啦，真正既民主進程係要廣大市民參與，建制派不停咁用埋D低價海鮮餐去造勢係無用GA~最吹漲既係，參加者大部份話只知尾站去維園有表演睇，唔知係關於咩??咁同無專業守則既速銷員有咩分別呢?係~係速銷，但求騙到你買，不求貨品品質與公司聲譽。我負責推你買，最緊要快。下屆都唔知係咪我做特首啦~貨不對板?你問下一任啦~
雖然曾余之戰，余狀以大比數既支持率造出壓倒勝勝利，但我並唔同意余狀既原地踏步論，反而應該積極尋求改善方案。特首話無A餐，得B餐，余狀寧願餓死都唔要B餐~重點係：全香港既人陪你一齊餓死AR~就好似上次五區公投咁，拉曬全香港市民落水~~~~原地踏步好過遭千夫所指，好明顯以自己支持率行先，並非求港人利益~如果真係為港人利益行頭，應該提出有建議性既方案，即係C餐~

政治SHOW

邊個話我地80後既人政治冷感??不問世事??單係華華學子既一句：「我地係應該向政制發展既共同目標努力，而唔係強行接受一個大家都唔接受既B餐」。就連推銷員曾俊華都DEAD AIR左一陣。唔係咩?作為長輩教晚輩做功課，都係應該盡力做到最好，做到老師滿意為止，而唔係為交而做，求其了事，成日話議會有人講粗口教壞下一代，而家求其了事既政改，即係教育緊我地既下一代做事不用敬業，交到貨就OK啦~與暴力議會教壞細路無異，只不過係一個係明顯既錯，一個係搏細路唔識野，即係無知姐~

作為家長，我認為呢個係教育下一代既好課題，事有對錯之餘，也有好壞。政改起錙一事，從來也不是對與錯之問題，反而係好與不好之爭。有不同政見唔係問題，但做人一定唔可以無原則。

「救救商業電台．民建聯節目名創作大賽」

06:00 - 07:00 在晴朗的楊光下出發
07:00 - 07:15 民建聯特約：愛國新聞專輯
07:15 - 10:00 在晴朗的楊光下出發
10:00 - 10:30 共股初開
10:30 - 12:00 茶杯裏的土製菠籮
12:00 - 12:30 民建聯特約：紫荊新聞專輯
12:30 - 13:00 欲罷不能十八樓C座陽光版
13:00 - 14:00 狗狗狗齊來做走狗
14:00 - 15:00 賣港交叉盤
15:00 - 17:00 小喇叭個肺 afternoon tea
17:00 - 18:00 強國經濟脈搏
18:00 - 18:30 民建聯特約：老母新聞專輯
18:30 - 20:00 阻住大局
20:00 - 21:00 孟婆茶
21:00 - 22:00 一樓一大學
22:00 - 22:30 Try my breast串字與你
22:30 - 23:00 投共講智慧
23:00 - 00:00 楊光明頂
00:00 - 00:30 民建聯特約：馬力報夢新聞專輯
00:30 - 01:30 變變變生命力－－北極有企鵝系列
01:30 - 02:00 欲罷不能十八樓C座陽光版
02:00 - 06:00 一切從土共開始

多事之秋

近排社會最其爭議既論題，都莫過於高鐵同五區總辭，先講前者先.......
第一，我個人係絕對支持起高鐵既，地點方面，我同意社會各界可以再商討，不過就好唔同意有D人為反對而反對。有人話：「成600幾億，咁貴，唔值得做。」我個人認為，時機呢樣野好緊要，一過左就無GA啦~再者，以大型基建黎講，600幾億唔算貴GA啦，至少我好相信，回報一定多過600幾億，而且用得有目的LAW~再講，如果真係利益輸送既問題，大家應該去反既係工程承辦商，佢地偷雞用非本地工人係工程承辦商問題，唔係起高鐵既問題。前幾年經濟好果陣，你班友又唔去反下新機場，而家經濟唔好，基建係可以攪好經濟你班友又走黎反，要扶貧都要有錢先得GA~唔通印銀紙咩~
相反，5區總辭要用1億，我就真係唔見得果1億帶到俾我地咩民主，我夠膽講句：「浪費1億再選唔會令普選早過2012，相反，而家咁做只會令社會各界更分化。」再者，我好相信五區重選，泛民未必可以得到五席，點解要做D咁既傻事呢?令我地呢班泛民支持者好失望LAW~

永久之地

左圖既BEAR BEAR係夫人前晚攞返黎既，HA有錢都唔加人工，攞去整公仔........呢隻野，馬大夫叫佢做吊頸熊，照我既說文解字既解釋，有兩個可能：1. 做到吊頸....2. 做到吊吊聲.........

呢幾日最令我感到最想鬧爆既新聞，都係「地政署戰挑各大寺廟」，人體殘骸VS無害遺物。呢單野，最體現到D咩呢?
1. 最等錢使部門：地政署，人地戰前既地契都無使用規管既你就咪攪人啦，D工廠大廈未經政府批評攞黎放骨灰龕你又唔管，再加上人地做之前都有徵詢過律師，都做左咁多年啦，政府都唔出聲??而家先走黎嘈，原因只有一個：「錢開眼」，要人補地價之MA~
2. 最事不關己部門：食環署﹑消委會，人體殘骸VS無害遺物一戰上，食環署已表明骨灰沒有傳染性，如果仲要響人體殘骸具傳染性一詞浪費時間，我諗以後D孝子賢孫將骨灰放海都唔得GA 啦~因為會整死D海洋生物MA~另一方面，人地做之前都徵詢過律師話無問題，而家果個律師咪應該要釘牌??D孝子賢孫想找骨灰龕位，連律師都信唔過，咁仲可以點呢?消費權益問題梗係問消委會啦，官方既回應係：「沒有任何建議」。

其實而家全港D龕堂都已經唔夠GA啦，都唔明政府點解次次都響D唔適當既時候做唔適當既野，就算人地係遺法，係咪地政署都應該先處理龕堂不足既問題先??即係先供應地方，後檢討寺廟存放骨灰問題LAW!!!!!

天涯若彼鄰

幾十年前，住響遠方既親友只可以利用書信去同家人溝通，雖然有長途電話呢樣野，但成本高，打一次都好貴。互聯網開始發展之先，係56K既電話線世界，雖然大大降低左與遠方親友溝通既成本，但總有點美中不足~直至光纖既出現，將我地既互聯網由56K年代「升呢」到寬頻上網，視像對話將人與人拉得更近。多謝你，高教授，你是我們華人的驕傲!

白鴿只代表自由，不包含誠信?

民主黨好老實講已經唔係第一次出呢D問題，響今次件事，如果民主黨強行包庇甘乃威，我好相信只會令支持泛民陣線既選民轉投建制派。現階段雖然未定案，但我覺得如果民主黨想重得民心，就一定要放棄甘乃威，未定案就已經要放棄甘乃威，可能大家會覺得無道理，但我唔見得事情再發現落去會還甘生一個清白，而且可以令民主黨重得民心，起死回生LAW~再者，放棄一個甘乃威，民主黨可以再抬第二個出黎選，而且甘生都係第一年立法會生涯，我並唔見得有咩值得保佢LAW~大不了咪叫返楊森出黎，可能會保得住選民對黨既信任TIM~
講真，呢件事好明顯就唔使再解釋咁多，D疑點已經多到我都識背：
1. 如果唔係身有屎，點解要另外賠筆錢俾人?再者，民主黨黨內咁多大狀，如果女助理講大話，分分鐘俾人告返轉頭啦~但而家反而係甘生驚驚青青，前言不對後語。果頭何俊仁先話甘生承認對女助理有好感，呢邊見記者就話從來沒有示愛，如果真係大家清清白白，只係老板雇員關係，甘生無必要表示對其有好感與否。

2. 何俊仁處理呢件事上面捉曬虫啦~之前涂謹申都試過有個人利益問題出過，但都大方俾其他黨派設立獨立調查團，呢次點解要閉門調查呢?如果行得正企得正咪大方俾人查LAW~

顧問委員會

國慶前夕，阿爺大開水喉俾港台，一直俾人陰乾既電台終於都可以有番生機啦~不過事情係咪真係咁簡單呢?港台話曬都係政府產物，但一直以來都能夠做到編輯自主，是其是，非其非。相反，免費電視公共廣播就真係越做越衰，完全莫視市民既利益，唔通全面高清之後，我地要俾錢先有得睇有質素既節目??點解指手劃腳既顧問委員會係設於一個能夠做到編輯自主既港台，而唔係設於監察免費電視既公共廣播呢?唔通唔係政府出糧，就可以唔使理??

販毒，只為了50蚊的利潤，值得嗎?

今日睇新聞，到而家我都唔係好明點解只係得50蚊既利潤都會有人願意去販毒?功利D去解釋我只可以咁講，果位青人無考慮過被捕既風險成本，同埋尋找買家既TIME COST，又或者佢既尋找買家既時間跟本好短，有穩定買家，所以佢只係考慮到工作需時只係交收既幾分鐘，相比麥記既PART TIME要成3-4小時先有50蚊為化算。

年青人，為了個人的利益(即係果50蚊)而損害整個社會，值得嗎??有無考慮過個同你買毒品既人會因為你既販毒行為而繼續吸毒，而通常吸毒既人都係唔太工作既，最後成為社會既負擔。好啦~到佢想去戒毒既時候，無論係身體(需要醫護人員照顧)﹑定係心理上(要社工協助)，都係要呢個社會去負擔返~到頭來可能有一日你會問一句：點解政府要浪費D錢響呢D道友身上，如果D錢用響多D青年就業輔助計劃，我就唔使販毒啦~~~~

如果你唔係為左50蚊去幫手販毒既話，政府就唔使用幾佰萬攪禁毒啦~

通識通識，通通都識

我仲記得高中既年代，我D同班同學有部份都有選修通識呢一科既，雖然自己無選修通識科，但可以好肯定一句，通識呢科唔係新野，點解到而家轉左334學制之後先會有咁多人爭論??最大原因我諗係因為轉左做必修科。但最有趣既都莫過於呢科係一科無方向既科目，重點係要求學生對一些事件進行了解後再反思，分分鐘連學校既老師都未必識教..........當然，補習學校都會開辦通識科既補習班啦，近日最有趣都莫過於上圖，李燦榮教通識??係用名氣吸引學生?定係佢實質係教傳理呢??

(尋日同幾個朋友去左探堅仔，小朋友，快高長大啦~)

誰是誰非?

近日返工，我諗成個社福界鬧得最熱既話題都係：曾德成 請你為「政治干預社工專業」一事立刻引咎辭職最為轟動。但成件事我真係好想問一句：「曾局長何罪之有呢?」佢只係俾左一D意見姐~之後該社福機構就將謝姓社工調職啦，點解成件事無人覺得該社福機構既管理層有問題，反而向曾德成大興問罪之師呢??

如果係張建宗(勞福局局長)向該社福機構俾意見(又或者係D人所講"施壓")，我覺得都仲講得通，但係曾德成只係民政事務局局長，可以見到有權去干預一間社福機構既內政，干預社工專業呢?之前有個同事仲好笑，佢同我講，呢件事上曾德成係政府既代表，唔多唔少有種無形既權力去影響到社福機構。我就覺得呢個講法真係好夾硬黎，所謂曾局長係政府既代表，有種無形既權力去影響到社福機構，都係你地覺得姐，政府每個部門都有佢既權力範圍，唔可能話曾德成一句可以影響到社福機構﹑干預社工專業LAW~唔通言論自由係不適用於高官??反而我想問下該機構既管理層，只係曾局長既一句就影響到你地既內政，你地係咪無腦GA??成件事最有問題既就係該社福機構既管理層，而唔係曾德成LAW~

第二，有D有政治目的既人，好似張國柱咁，根本就係為左社福界既選票而沒有批評該社福機構既人事管理，反而將責任推到張德成一人身上，為既，只係要保住社工既面子...............

學子愛閱「毒」??

校園吸毒事件日益嚴重，政府終於都要出手實施校園驗毒計劃。但令我最感到驚訝既係，實施呢個計劃係自願性質，學生可有權say no，咁我想問有咩用呢??既然校園吸毒已經去到咁嚴重既地位，點解唔去立法強制執行，而要講人權呢??政府永遠就係咁，應該講人權既唔講，而家校園驗毒計劃都講明資料係保密ga啦~除非你身有屎，否則怕咩驗姐??又唔會張你既資料公開既~再者，吸毒響香港係犯法ga ma，D人以為吸毒並非犯法，其實只係要舉證有人吸毒係極為困難，故甚少作出檢控，先出現這種誤解姐~係犯法既野唔係應該要加強打擊咩??即係好似醉酒駕駛咁，唔通交通警要求我作酒精測試，我又可以同佢講人權問題，我拒絕!!所以今次黃仁龍就做得好啦~將強制驗毒立法咪得LAW~不過唔知又要攪幾耐........同埋講真AR~就算真係驗到你有，以學生黎講，都應該唔會拉你去坐~反而會有社工同相關既專業人士去幫佢地......所以我真係好唔明，政府到呢個時候仲要講人權，用自願性質推行校園驗毒計劃，真係可悲....................

人形攬枕-Miss Chrissie

都係近排大家都公認為好有問題既靚模，動漫節佢又再發功啦~以前D男人有性需要又無需伴侶既時候，佢地可以點呢??好簡單，去召妓LAW，但無理由晚晚都去召妓GA MA，之後為左解決呢個問題，性玩具-MARY面世啦~~~~不過大家點估都估唔到，一向有管制既性玩具，而家已經開放到殺入動漫節啦~邊有AR??呢，咪人形攬枕最新既MODEL-Miss Chrissie，Miss Chrissie一出，即時受到各方炮轟，攬枕之麻，有咩問題呢??我唔信你地買左Miss Chrissie既男士夜晚攬住訓係無性幻想LAW~~~如果係健康既寫真集，我相信大眾都唔會有咁大反應。但我覺得事情已經發展到周秀娜而家係挑戰緊香港人既道德尺度，始作俑者.............我好相信如果事情繼續發展落去，會有靚模內衣褲公然出售都未定~~~唉~~~道德淪亡啦~

如果這是科技掛帥的世代，奧林匹克精神還有價值嗎?

昨天的焦點新聞都莫過於Michael Phelps於200公尺自由式決賽中輸左俾Paul Biedermann。呢件事令我開始覺得第三次世界大戰其實已經開始左，只不過大家尚未意識到。點解咁講??從來戰爭都離不開科技研發，今次Paul Biedermann既勝利，好明顯有絕大部份既因素係歸功於佢件泳衣~美國響呢次軍事競賽中輸左一板俾德國............引申既問題係，以後既運動會，如果以科技掛帥的話，咁係咪即係發達國家玩曬，第三世界國家可以返屋企耕田呢??

再談靚模

由書展未開始之前既周秀娜刷牙照，到今日朝早既城市論壇，大大話話都成兩個幾星期啦~我諗都就快可以挑戰上年陳冠A既兩個月長既艷照門事件啦~第一，我想問下靚模係咪真係咁有新聞價值可供大家談論﹑又或者係各大報章去炒作兩個禮拜呢??連今朝既城市論壇都係以靚模為題........不過就靚模欠奉，半紅不黑既袁彌明就有個........一句：模特兒只係一個衣架，佢地只係用作SHOW PRODUCT.......而唔係SHOW佢地既BODY.......跟住主持人就問左句：袁小姐，我唔係挑戰你，咁我想問下點解你當年又去選港姐??港姐同而家D靚模所著既都係比堅尼，唔通港姐真係高貴D??第二﹑如果模特兒只係用作SHOW PRODUCT，係一個衣架，咁係咪模特兒唔需要有氣質，下次出SHOW，叫工作人員推個假人出黎咪OK LAW~好明顯係娛樂圈既爭風吃醋，有人唯恐長江後浪推前浪，而並非真的擔心社會風氣。

從來淫穢﹑不雅﹑健康的身體美態都難以去界定，重點是取決於觀賞者以什麼角度看。歸根究底最重要都係學校既道德教育，而唔係將所發生既問題無限地歸究由靚模造成......試問，如果大眾都不愛看的話，那何來有美女廚房呢D飛BAR走奶既節目呢??

靚模何罪???

中文題：試解釋詞語：「波大無腦」
首先，本人認為「波大」與「無腦」沒有直接的關係。咁點解報章﹑雜誌要以「波大無腦」形容近年興起既靚模??好啦，到我地有咁既質詢既時候，報章﹑雜誌又再次對靚模作智力測試，為左要証明呢班女仔係名副其實既「波大無腦」，結果真係如今日我同事既論點：叫佢地返去讀好D書先啦~咁係咪個個要好似楊崢咁先有資格做模特兒呢??
第一，我想問下入娛樂圈既門檻係咪一定要有學識呢??如果係既話，香港就只會有教肓電視。從來娛樂圈SELL既都係觀眾愛看既東西，觀眾愛青春﹑美少女，咁靚模就有市場，市場決定一切。學識唔該去大學搵~~~~~
第二，書展由幾年前開始已經九唔搭八GA啦~前幾年D漫畫書刀劍都可以書展賣，又唔見你班契弟反黃玉郎??而家人地D靚模有份出書GA WOW，咁你俾得佢響書展賣，佢係作者當然可以出席書展啦，有咩問題先??如果係覺得道德上有問題，就應該管制佢地既衣著，即係好似出入高級餐廳咁，而唔係反對人地出席LAW~~~~

如果天空要落..........

如果天空要落雨，無有怕，帶著傘子便可以了。但如果天宣落下的不是雨水，咁又點呢?唔係掛?咁落咩AR??落狗屎都無有怕，怕既係漒水。好唔明白，點解政府做野永遠都係咁慢?上年由第一單開始已經話一定要裝天眼，好啦~~拖到第二單同一地點，都未裝好。都而家呢次啦，先得兩部話WORK，仲要話未必影到。D差佬仲衰，陳冠希D相又拉人拉得咁快，呢單野又做到D咩出黎AR??保護市民唔係你地既責任咩??呢單野明剃警方眼眉啦~唔好再有第四單啦~~~~