多事之秋

近排社會最其爭議既論題，都莫過於高鐵同五區總辭，先講前者先.......
第一，我個人係絕對支持起高鐵既，地點方面，我同意社會各界可以再商討，不過就好唔同意有D人為反對而反對。有人話：「成600幾億，咁貴，唔值得做。」我個人認為，時機呢樣野好緊要，一過左就無GA啦~再者，以大型基建黎講，600幾億唔算貴GA啦，至少我好相信，回報一定多過600幾億，而且用得有目的LAW~再講，如果真係利益輸送既問題，大家應該去反既係工程承辦商，佢地偷雞用非本地工人係工程承辦商問題，唔係起高鐵既問題。前幾年經濟好果陣，你班友又唔去反下新機場，而家經濟唔好，基建係可以攪好經濟你班友又走黎反，要扶貧都要有錢先得GA~唔通印銀紙咩~
相反，5區總辭要用1億，我就真係唔見得果1億帶到俾我地咩民主，我夠膽講句：「浪費1億再選唔會令普選早過2012，相反，而家咁做只會令社會各界更分化。」再者，我好相信五區重選，泛民未必可以得到五席，點解要做D咁既傻事呢?令我地呢班泛民支持者好失望LAW~