Time to change my BLOG

Long time have not update my BLOG, and I would like to consider for change language using in my BLOG, maybe it will easy to share with my friend who did not know chinese. I will try to improve my English written skill and reduce the grammar mistake.

Recently, some Japanese friend has share their BLOG with me and I like their sharing. Because their BLOG will have specific topic and will focus on the above topic. I think my BLOG is lacking of focus point and I am lazy to take a photo to introduce the thing which I want to say. I remember that one of the BLOG I have visited is focus on the little things in my friend's daily life. She will introduce some food and goods in her BLOG, also she will take some photo and post on her BLOG. This is the element which my BLOG is lack of and I will learn from her.

是日本人橡膠龜 I am a Japanese rubber turtle

Since the journal from Japan, I am fell in love with Japan's stuff. Snacks from Japan is the most recent purchase things. Fortunately, Hong Kong has a specific shop can buy Japanese snacks. Now, around every weeks have 3 times shopping in there. Although expensive, it tastes better than Hong Kong's snacks.

This week sometimes chart with Japanese friends through the wrong English grammar. Thanks for their new year's living sharing. I remember that there has a senior nurse share a Japanese working attitude for me previously,  I will aims on this working attitude for my goal in this year.

In 2013, same life style for me: WORK HARD PLAY HARD. Never think on enjoy my first 2013 concert is the band called MR, but absolute a Good Show. In my opinion, there is lack of Band Sound in Hong Kong, but too much idol. This time have a chance to enjoy MR's show is because I am a user of MOOV(a internet music player) and I win their lucky draw to get two $280 tickets. Recently I am seldom using MOOV to listen music because I am too busy. My Cousin suggest me to switch to KK BOX to listen music, but I do not know what is KK BOX. So, I will keep on using MOOV now.

Honestly, in the past year, I less listening local music, recently listen is PERFUME and SNSD. Today is holiday, so I can enjoy MR's new album(NEW BEGINNING) at home. Listening music and taking a online course at the same time.

自從去完日本返黎之後，愛上左日本的所有。零食一定啦～好在香港仲有阿信屋呢D好東西。唔係講笑，呢個月起碼去左三次阿信屋買野食，真係買到窮。但論味道，真係好好味，貴得有道理。

呢個星期，部份時間同日本網友用錯曬GRAMMAR既英文吹水，好多謝佢地既過年分享。日本人真係好有HEART去做野。我好記得之前有位SENIOR姑娘同我分享日本人既工作態度，我今年都會以呢個態度做我既目標：職人！！！！

2013年，都係一如以往既生活態度，WORK HARD PLAY HARD。真係無諗過我的2013第一個演唱會就係MR，不過絕對係一個GOOD SHOW，可恨的係完SHOW之後覺得香港BAND SOUND太少､林峯太多。話說我係阿MOOV既客仔，不過而家真係少MOOV左好多。老表們叫我轉用KK BOX，太OUT啦～我都唔知KK BOX係咩～都係MOOV住先。講返正題，我去睇MR既演唱會係因為MOOV抽中左我，就係咁就有兩張免費既280蚊啦～

老老實實，過去一年真係少聽左本地作品，最近訂果兩隻碟都係PERFUME同少女時代。因為放假關係，今朝先叫得閒少少MOOV度聽成隻MR既NEW BEGINNING，不過都要推推倖田來未隻首好愛好愛你。堅好聽～一路聽歌一路網上ONLINE COURSE真係好爽～

又係回顧我的2012時間 Looking back my 2012

如題，又係回顧我的2012時間，每年既BLOG總會有呢個不指定題目。通常都係以十大形式去講～

1.上左車，要供樓了～
2.入購左MACBOOK PRO，變左做蘋果友～
3.年頭返新工，年尾就轉左工，不過都係護理生涯啦～
4.去左人生第一次日本之旅～
5.買左人生第一件最貴既波衫～今季傑志既主場～
6.又再買返日本碟､再聽返日本歌～
7.一年之內買左3次耳筒，爛左一隻，買返一雙～
8.都係日本，開始睇返日職聯～
9.買左支CANON既小小白鏡～
10.我轉工，個女轉校～

反而最近少左時間入場睇香港足球，好多時都係返工放工，幾點至夠鐘？好多野都係網上處理，交談都係由WHATSAPP負責，到底呢個係節省時間既好現象，定係令人變得更宅呢？

關西之旅 Day 2

今日先黎POST一POST關西之旅既DAY 2行程先（其實一早已經打左一大半，不過未得閒POST），第二日行程一開波都係坐阪急電車，主要目的地係神戶，但我地會先去有馬，可惜既係無浸到酒泉。

黎到有馬唔浸溫泉其實都有好多景可以影下相，一黎到第一件事團長推介我地可以買當地既炭酸煎餅返港做手信，不過我就無買到，反而響其中有間手製玻璃飾物既店，佢D飾物都幾精美，我就買左條送俾朋友～另外有間叫竹中肉店既鋪，極力推介黑毛和牛既炸物！

由於係溫泉區關係，呢度有炭酸水出產，所以呢區好多燒餅店都有頭先所講既炭酸煎餅賣。大佬豪就話旅遊書寫沙糖加炭酸水可變波子汽水，千奇百趣呢～除左炭酸煎餅，好多店都有松茸買。

離開有馬之後，下一場我地黎到新長田尋找鐵人28同三國志之旅～日本真係好有趣，如果想一個唔多人流既地點增加人流，方法就係攪D主題等多D人黎。即係好似三國志館咁～本人既意見：三國志館影相遊覽無問題，除左有一主題館要俾錢入之外，其他都係免費的，但紀念品真係唔好買，淘寶起碼平三倍。

響新長田留左一陣，之後我地就出發去舞子公園啦～舞子公園附近其實有好多景點可以參觀，不過係有料的～但我地最後都選擇左上明石海峽大橋參觀，位位300YEN。附近有一個叫移情閣既，其實係孫中山紀念館，都幾靚，不過都係有料參觀，有興趣既朋友可以自己去下。

沿舞子公園海灘行行下，我地去到大出血之地，OUTLETS AR～～～好平，好得。絕對係SHOPPING好地方。之後我地帶住大家既戰利品離開神戶，返難波 食四天王拉麵晚餐。

潮性辦公室（電影）

尋晚響屋企睇左潮性辦公室既電影版，自從屋企裝左NOW之後，多左響屋企睇電影，好多人成日都話喜劇好難拍得好，第一要有劇情，第二話明喜劇梗係要好笑，但OVER左就容易俾人話係爛片。詹SIR既潮性辦公室就好好啦～故事寫實得黎D笑位又剛剛好，有時一套喜劇電影衰果下我覺得好多時唔係個演員唔夠爆，反而係爆過頭OVER左，D人就會覺得套片CHEAP，同埋故事寫得唔好，得個演員一味喪笑，又係另一個問題。最典型既例子莫過於黃子華，黃子華既男親女愛係我其中一部最愛既電視劇之一，就算之後絕代商驕，我都覺得好得。但如果將黃子華搬去拍喜劇電影，就即時變左做票房毒藥。黃子華既電影，我最深刻既係一蚊雞保鑣，都係頭先我所講既問題，唔係唔好笑，而係OVER左變得好爛。

詹SIR既潮性辦公室其實係由舞台劇搬去電影，劇情部份都係舞台劇有既，但電影版就將個故事改左D，所以好睇左好多。內容主要講詹SIR演既周經理工作既梅花油公司因經濟問題，被中國成人保健有限公司收購，之後公司內既員工響沉悶無聊工作中產生性幻想既喜劇故事。睇完之後，真係好有共鳴，就算你唔係期待工作上有OL女神出現都好，至少辦公室一旅大家都會認同，最討厭的日子是星期一！

傑志VS太陽飛馬

關西之旅返左黎之後，仲有三日假期，星期五下午就閃左出西貢TEA一TEA先，六晚就約左MOS豬朋派手信，星期日就梗係主場撐傑志啦～先講講西貢果日，去左碼頭附近既一間sai kung cafe and bakery 飲奶茶同食CAKE，之後去左圖書館打書釘，吹漲地搵到黃金少年全集既小說，同埋借左當奴既銀河道士講鬼故同埋火鳳既小說﹣伯符。火鳳果本到今日都仲睇緊，前者果兩本已經俾我KO左啦～

之前響沙田一間叫ONE ＋ ONE既BAR，雪姐介紹左隻叫STELLA既啤酒，俾我響西貢見到。BTW，呢個星期有三日都飲啤酒，平時我好堅持一個原則，ONDUTY一定唔可以飲酒！不過近排似乎真係上曬癮！

星期六晚就去左禾輋同MOS既豬朋食飯，原本諗住係大排檔，最後因為大家唔想等，結果去左酒樓食小菜，味道同價錢都OK啦～之後大隊就去左飲野，沙田區，最後我地去左酒店既ONE ＋ ONE，唔使問，我又係叫左啤酒啦～hoegaarden，大杯又抵飲，吹水精適用～

星期日，終於等到傑志主場既大日子，傑志VS太陽飛馬，由上季開始帶到落今季既恐馬症，今仗飛馬轉左陳志康做教頭，點都有D驚驚地～好在我成日都話，佐迪係你好拍檔，加上干拿高唔係流GA！新加盟既閘史畢斯自呢場之後，我諗已經成為好多傑迷既新歡。結局傑志以4：2驘太陽飛馬，不過大家都話後防既默契真係要BUILD UP～～～

關西之旅﹣DAY ONE

話咁快七日既日本關西之旅又玩完啦，今次我同中學同學四條佬去既日本關西之旅，主要去左大阪､神戶同埋京都，行程密到阿媽都唔得，但一定要先多謝我地唔收小費既領隊大佬豪先～

四條佬去分AB，我同大佬豪坐PEACH AIRLINE，其餘兩條友就國泰CX。2100響馬鞍山出發坐零晨機，大約當地時間0530到達關西空港。等埋坐CX果兩條友大約0600到達後，0700我地響關西空港既TRAVEL DESK買套票，極力建議大家買3 Days Kansai Thru Pass，可節省不少旅費！買套票後我地先坐南海電鐵等空港急行到難波去位於心齋橋附近既酒店放低行李先，跟住就出發去我地第一站﹣嵐山

嵐山，由心齋橋站先搭地鐵到梅田後再轉阪急列車向京都河原町方向出發，再響桂站轉車到 嵐山。到步後，我地先去左嵐山公園､之後去左渡月橋､天龍寺。第一餐既午飯就係響嵐山食烏東啦～由於大家落機後去酒店放低行李就即刻出發，所以大家既疲勞度都有返咁上下，好坐鐵路中有得訓下，如果唔係就真係大檸樂～

去到日本梗係要影番D有特色既野啦，和服妹妹一定要影啦～唔係點返香港同巴打們交差AR～今次日本之旅陪住我周圍影既除左CANON既500D之外，佢既好拍檔我選左50MM 1.8同埋70﹣200MM既小小白，問題就係兩支都係人像鏡，影景就PK啦～

食飽飽之後，我地出發去下一個景點，嵯峨野坐呢個觀光小火車，源路既景真係靚到爆～其實除左火車遊嵯峨野之外，原來仲有激流船叫咩X野保津峽遊覽船，不過今次就無機會坐啦～

嵯峨野之後，我地響JR馬堀站坐左去宇治既中村藤吉本店去食綠茶雪糕，價錢大約800﹣1000YEN，都唔算平，不過都好多學生妹等位食，日本人D消費力真係強到呢～～～之後就順便去左平等院表參道，不過平等院關下午5點，又要俾入場費，最後我地無入到去，去左附近既宇治橋同宇治川影下相，影夠本就響宇冶站坐京阪電車到中書島站再轉車返大阪啦～

第一日既晚餐我地響道頓堀既千房食燒餅，不過可能真係太疲倦，我病病地，PANADOL都食左兩粒～好孱AR！！！