潮性辦公室（電影）

尋晚響屋企睇左潮性辦公室既電影版，自從屋企裝左NOW之後，多左響屋企睇電影，好多人成日都話喜劇好難拍得好，第一要有劇情，第二話明喜劇梗係要好笑，但OVER左就容易俾人話係爛片。詹SIR既潮性辦公室就好好啦～故事寫實得黎D笑位又剛剛好，有時一套喜劇電影衰果下我覺得好多時唔係個演員唔夠爆，反而係爆過頭OVER左，D人就會覺得套片CHEAP，同埋故事寫得唔好，得個演員一味喪笑，又係另一個問題。最典型既例子莫過於黃子華，黃子華既男親女愛係我其中一部最愛既電視劇之一，就算之後絕代商驕，我都覺得好得。但如果將黃子華搬去拍喜劇電影，就即時變左做票房毒藥。黃子華既電影，我最深刻既係一蚊雞保鑣，都係頭先我所講既問題，唔係唔好笑，而係OVER左變得好爛。

詹SIR既潮性辦公室其實係由舞台劇搬去電影，劇情部份都係舞台劇有既，但電影版就將個故事改左D，所以好睇左好多。內容主要講詹SIR演既周經理工作既梅花油公司因經濟問題，被中國成人保健有限公司收購，之後公司內既員工響沉悶無聊工作中產生性幻想既喜劇故事。睇完之後，真係好有共鳴，就算你唔係期待工作上有OL女神出現都好，至少辦公室一旅大家都會認同，最討厭的日子是星期一！

喜愛夜蒲2

好耐無入場睇港產片了，戲院前有幾部作品可供選擇，最後我選左錢國偉既喜愛夜蒲2。梗係啦，多女又多肉搏場面，同埋片中阿DICK DICK話俾大家聽，想同女女發生性關係，其實好容易，你信唔信2012係世界末日呀？跟住就梗係及時行樂啦～最天荒夜談既並唔係片中D女易戒到一句可以上床，而係當而家人人都媽媽聲話樓市貴既時候，仲有咁多地方可以爆房，原來而家去親夜場搵食既80後都係有米到已經上曬車既～UNBELIEVEABLE～

如果你唔係入場淨睇連詩雅有幾正，靚模媽咪有幾好波既話，呢套片其實真係好有意思，帶出左而家大部份都市人唔同既愛情觀，幾PAIR組合有齊曬，1.關楚耀､連詩雅，女既有錢過男既百九幾倍，大家會一起走到尾，白頭到老嗎？2.阿DICK DICK，繼續活響即食麵，有性無愛既日子。3.大跟班同靚模媽咪，女既係交際花，跑私鐘既，真愛會否在乎對方貴賤？

Mission: Impossible - Ghost Protocol

好耐都未試過去期待一部電影既上畫，次次去親戲院都係3個STEP，1. 行過，2. 得閒時間又許可，3. 選擇電影。前幾個月見到佢既宣傳片已經同自己講：「老虎都一定要入場睇」，今個12月我地有佢 - 《職業特工隊：鬼影約章》。同樣地主角都係湯告魯斯，以往既三集自己就覺得第三集最好睇，其次係第一集。希望今集無論係劇情同動作特技都可以俾到一定驚喜我。

復仇者之死

有點期待的一部電影

resident evil: afterlife

呢排都幾忙下，所以都無咩點睇電影，意思係連租碟睇既時間都無，對上一部入場睇既係ＴＯＹ　ＳＴＯＲＹ３，一家大細咁入場睇～再之前好似係轟天猛將，同老婆一齊睇。今次呢部resident evil: afterlife就自己一個去睇，第一，我由細開始已經係生化危機既ＦＡＮＳ，第二，好難就到夫人時間去睇戲，而且夫人就ＢＩＯＨＡＺＡＲＤ系列無咩興趣。

講返今集先，開始覺得呢種外國片無新意，同蜘蛛俠系列一樣，集集都係打完一至兩個ＢＯＳＳ之後散場，無咩劇情可言。反而咁多集拍得最好都係第二集，叫做有Ｄ劇情睇下班友點「逃城」。

未來既計劃考慮緊同唔同夫人一齊去睇狄仁傑......................重點係華仔同梁家輝ＡＲ！

飛沙風中轉

好耐都無UPDATE個BLOG啦，真係罪過﹑罪過。尋晚一支公去左睇電影，其實正路應該係睇葉問2既，不過我就選擇左「飛沙風中轉」，外表睇落係一部江湖片，實際係帶出左好多香港市民面對緊既生活問題，不過就玩得唔夠盡，如果係林超榮寫稿，可以玩得更深入，更高層次既黑色幽默。

《第二十九屆香港電影金像獎頒獎典禮》

話咁快又到今屆既電影金像獎頒獎典禮啦，不過今年就真係好少去睇戲，本年心水如下：

1. 最佳電影：

《十月圍城》

《赤壁：決戰天下》

《音樂人生》

《竊聽風雲》

《新宿事件》

五部電影除左音樂人生之外，全部都有睇，個人比較睇好十月圍城。

2. 最佳男主角

王學圻《十月圍城》

任達華《天水圍的夜與霧》

任達華《歲月神偷》

劉青雲《竊聽風雲》

郭富城《殺人犯》

唔使問，一定係任達華，不過唔知係邊部戲令佢攞姐，應該都係歲月神偷啦~

3. 最佳女主角

惠英紅《心魔》

張靜初《天水圍的夜與霧》

趙薇《花木蘭》

舒淇《游龍戲鳳》

吳君如《歲月神偷》

應該係吳君如，佢一洗喜劇女皇既本色，仲唔係佢??

矮仔多情(short of love)

等到頸都長，終於都出vcd啦~喜劇黎講D人話好難可以拍得好，我就覺得一半一半啦。如果唔計矮仔多情呢部喜劇，要數就應該係龍咁威1同2啦。講番矮仔多情，王祖藍真係發揮得好好，邊個話喜劇係無演技可言同埋無劇情?果D唔叫喜劇，叫爛片，今次呢部矮仔多情我俾7粒星星(10粒滿)。

死神傻了

尋晚睇左死神傻了，綜合評價唔太好，部戲唔算爛，都叫有個中心思想，但太明星效應啦~攪到每個都要出少少，出少少咁，太亂......

成部戲可以叫陸永一個擔正，其他人都係圍繞住陸永，其次出場出得最多就係C君。阿KAY﹑鄭融同安仔就淨係一PART戲，去到DISK B已經唔見人，吳浩康﹑師兄就叫有兩段兩分鐘度既戲，泳兒就只係得一個SHOT.........好戲之人邵美琪要去到DISK B後段先出，仲要係演江湖大姐一名..........淨係咁聽我講，已經夠亂啦~~~~不過都未算係一部爛片，推介指數4.5分(10分滿)。

金像獎賽果~~~~~

前兩篇就同大家分享過心水啦，結果點呢??
最佳電影：葉問 (真係葉問WOW~)
最佳導演：許鞍華(天水圍的日與夜)，証明左票房唔代表D咩~
最佳編劇：呂筱華(天水圍的日與夜)，今年D評審係咪LIKE寫實片??
最佳男主角：張家輝(証人)(真係張家輝WOW~)
(最佳女主角：鮑起靜(天水圍的日與夜)，唔好話敬老，絕對係有實力~
最佳男配角：廖啟智(証人)(智叔好野!)
最佳女配角：陳麗雲(天水圍的日與夜)，有少少失望LAW~
最佳新演員：徐嬌(長江七號)，好明顯係星爺關係啦~
最佳攝影：黃岳泰(畫皮)，無野好講~~~
最佳剪接：邱志偉(保持通話)，TIP中~
最佳美術指導：葉錦添(赤壁)，TIP中~
最佳服裝造型設計：葉錦添(赤壁)，奚仲文輸左??
最佳動作設計：洪金寶、梁小熊(葉問)(理所當然~~)
最佳音響效果：吳江、Roger Savage(赤壁)，TIP中~
最佳視覺效果：克萊格海斯(赤壁)，TIP中~
最佳原創電影歌曲：畫心 (畫皮)
新晉導演：郭子健(青苔)，都OK好睇GA~
最佳亞洲電影：集結號....O左咀~~~~~

香港電影金像獎

本來呢篇係要寫台南之旅最後一日既行情，不過見就快金像獎殺到，我呢D小影迷一定要發表下心水啦：
最佳電影：赤壁(吳宇森)(其實有少少想選葉問，加上第一集有少少拖，不過整體黎講都覺得係超班之選，淨係打仗既場面已經可見吳大導下過不少功夫~)
最佳導演：陳木勝(保持通話)(部戲既節奏做得好好，令觀眾受落。)
最佳編劇：吳煒倫、林超賢(証人)(劇情令我感到最吸引既地方係首尾呼應，唔到最後，都唔知張家輝點解會隻眼會咁，同佢老婆點解做左植物人.........)
最佳男主角：甄子丹(葉問)(抄三姑果句：想係甄子丹，覺得係張家輝。)
最佳女主角：鮑起靜(天水圍的日與夜)(票房唔理想，女主角名氣唔大唔代表鮑姐唔識做戲。)
最佳男配角：廖啟智(証人)(智叔自從向電影發展之後，D演技好睇好多，反而電視劇真係唔得LAW~近期推介有佢份既作品係神鎗手。今屆除左佢，張豐毅我覺得都係大熱~)
最佳女配角：黃婉伶(性工作者2 我不賣身‧我賣子宮)(個人而言較喜歡趙薇，不過RACE真係響部戲裡面演得好好~)
最佳新演員：梁進龍(天水圍的日與夜)(TIP個比較冷門既，佢演出左一個時下典型既青年。不過徐嬌長江七號既反串演出加上星爺既名氣會唔會令佢攞獎呢?)
最佳攝影：呂樂、張黎(赤壁)(唔使問，一定係赤壁~~~~~)
最佳剪接：邱志偉(保持通話)(頭先講過，部戲既節奏做得好好，好大既功勞歸功剪接。)
最佳美術指導：葉錦添(赤壁)(如無意外，應該係佢同江山美人之爭~)
最佳服裝造型設計：奚仲文、吳里璐(江山美人)(古裝黎講佢既服裝造型比赤壁同見龍卸甲優勝。)
最佳動作設計：洪金寶、梁小熊(葉問)(武打片WOW~洪家班出品~~)
最佳音響效果：吳江、Roger Savage(赤壁)(好記得戲院睇個陣淨聽音樂已覺得好有FEEL~)
最佳視覺效果：克萊格海斯(赤壁)(唔使問，都係赤壁~~~~~)
最佳原創電影音樂：岩代太郎(赤壁)(原因同上。)
最佳原創電影歌曲：隨夢而飛 (江山美人)(我平均三日聽一次AR~)
新晉導演：郭子健(青苔)(mm......提名既其他兩部都未睇過~)
最佳亞洲電影：海角七號(今之去台南旅行既原因~)

機動部隊

杜琪峯監製既機動部隊系列由今年到戲院睇既同袍開始，到今日睇既絕路已經係第三部啦~暫時覺得最好睇既始終都係警例。好期待之後既人性同伙伴，快D出VCD就好啦~~~~

由2003年第一部既PTU開始，我已經愛上左杜SIR既機動部隊系列電影，原因係拍得好現實，完全唔係以往既警察英雄主義FEEL。剛睇完既警例，係由羅永昌執導，都係杜SIR監製。內容係想帶出兩種唔同做野風格既警察，守規既跟指示做野既警察(孖八，由李國麟飾)同做野會用自己方法，較灰色地帶既警察(森，由任達華飾)，任達華戲中打犯與李國麟守規向警隊上報負資產，更因此被調到文職崗位正好帶出今部警例想表達的意思。

殺神特工 (Wanted)

呢排特別多節目，攪到個人心到散曬，無咩點投入功課中。星期日先同大班人睇完詹ＳＩＲ既男人之虎，今晚又一支公剛剛睇完

殺神特工 (Wanted)，真係好正～～～～１００％推介～～～～講開又講，前幾日經過地鐵站，農夫８月會有演唱會，即時第一個就問港Ａ建，建仔既回答係～如果你唔問我，我都會自己去睇～～～咁就同我一齊舉高隻手ＦＡＭＡ啦～～～～～

六樓后座2之家屬謝禮

前排睇左六樓后座2之家屬謝禮裡面其中有個叫KAY既女仔，就係右面啦~真係好有味道~~~~呢位姐姐仔既真名叫田原~~~~我係因為睇六樓后座2而見認識佢既~近呢幾年我諗都無幾多個演員令我值得留意下........

見龍卸甲

今晚又好自私地同夫人去左睇戲，三國之見龍卸甲，論故事，都叫OK~值得一提既係拍攝手法非常好，拍得一眾演員好有味道~不過如果論造型就真係同滿城盡戴黃金甲﹑江山美人無得比~

HERO

今個星期完全就0向繁忙底下過去，最難得既係今晚上完MYOB之後可以去睇戲，日劇~律政英雄電影版。日本人有自己獨特既拍攝同演繹方法，再加上電視劇中的金童玉女~木村拓栽﹑松隆子。一套大家不可不睇既電影。
今日瑤瑤發燒，一朝早食左葯之後就訓左啦~天氣開始轉涼，連我都有d病病地~大家要小心身子啦~