喜愛夜蒲2

好耐無入場睇港產片了，戲院前有幾部作品可供選擇，最後我選左錢國偉既喜愛夜蒲2。梗係啦，多女又多肉搏場面，同埋片中阿DICK DICK話俾大家聽，想同女女發生性關係，其實好容易，你信唔信2012係世界末日呀？跟住就梗係及時行樂啦～最天荒夜談既並唔係片中D女易戒到一句可以上床，而係當而家人人都媽媽聲話樓市貴既時候，仲有咁多地方可以爆房，原來而家去親夜場搵食既80後都係有米到已經上曬車既～UNBELIEVEABLE～

如果你唔係入場淨睇連詩雅有幾正，靚模媽咪有幾好波既話，呢套片其實真係好有意思，帶出左而家大部份都市人唔同既愛情觀，幾PAIR組合有齊曬，1.關楚耀､連詩雅，女既有錢過男既百九幾倍，大家會一起走到尾，白頭到老嗎？2.阿DICK DICK，繼續活響即食麵，有性無愛既日子。3.大跟班同靚模媽咪，女既係交際花，跑私鐘既，真愛會否在乎對方貴賤？