時光倒流，每天二十大元上學的日子 Turn back the clock, every day twenty dollars school day

每月所謂糧頭既日子都總會有購物慾起，我買野好簡單，一見鍾情。如果那件物件響我眼前一亮的話（不過都係價錢先決～），即係合眼緣，有創意，呢D PRODUCT最後都會好大機會都會成為我既入手物。

時光倒流返去做學生既時間，屋企都叫做會買下玩具俾我玩，不過就一定無遊戲機。我去到小五先至有GAMEBOY，中學生活打既都係電腦。什麼PS？超任也沒有。出左黎做野之後，第一部入手既遊戲機係PS2，之後老婆響其中一年我既生日買左部NDS俾我。之後我又偷偷地買左部PSP。結論係原來自己根本無咩時間招呼部PSP。吹漲～

時至今日，最近出糧買左支鏡頭，對我黎講，好X貴。我可以坦白一句，係俾朋友影響之下買既。係，牛唔飲水牛頭唔會低。不過又講，希望可以好好善用支鏡影下相，最怕既係放響屋企變成陳列品。我好少會自己一條友去影野，都係一個懶字。其次係影咩又要諗，影女MODEL又不是自己所好，問心自己鍾意風景，小動物，但買左人像鏡。老婆尋日先話鏡頭與物主能力不符，即係浪費。

前日去運動展，又見到早前既MOTOACTV。我好記得我第一眼見到既時候已經深深愛上，又響今次既運動博覽見到，攪到真係好想買。先講講MOTOACTV係什麼東西先，佢係一隻行ANDROID既運動型手錶，本身已經內置左GPS，同NIKE＋不同既地方係佢可以一腳踢做曬所有野，即係不一定要帶埋部智能電話出街先搏到GPS計到自己跑左幾遠，方便好多。最後直到我離開運動博覽會場都無買到，有後悔。但唔可惜。

唔可惜係回想起那些年，無好既野又咪係咁跑，著住對白飯魚就落場踢波。最重要係果份熱情，有無投入過？去到今時今日，買對跑鞋，型到爆既戰衣，我俾夠二千蚊裝身又如何？係果團火根本無就無，有多多東西都沒有用～到底係科技可以令我更強，定還是心態會令自己有突破？