心理遊戲

今日係香港糖尿聯會既2012長跑賽，對上一次跑既賽事係可口可樂既10公里賽，不過真係太耐無跑，所以今次報5公里玩住先，之前都有充足既時間練習，所以今日俾自己都有80分，成程無停過之餘，自己響心理上同策略上都做得幾好。

先講天氣，今日雖然凍，但比起尋日同前日真係好左好多，跑起上黎都幾舒服。戰略上都幾成功，首先唔會跟人死衝死衝，一開始將個速度較慢左留下力先，差D俾人帶快左，打亂左自己。反而最後果2公里就真係打心理戰啦，我同另外一位女跑手速度上差唔多，感覺上佢均速仲要比我快，心理上我係好想跟佢尾，但真係好似賭大細咁，跟到佢既均速，都會帶快埋我。但另一方面，如果自己已經無咩氣，仲要比自己現時均速上加上去，分分鍾比佢扯到爆。不過今次我賭嬴左，我跟到佢之餘仲有氣最後200米爆開佢。其實如果大家再跑多次，老實我未必嬴佢，果2公里跟佢速度都係靠意志，但我最後 200米仲有氣爆都証明左樣野，就係我控制自己既平均速度做得唔好，仲有氣爆，即係我可以將自己既平均速度提高。不過今日真係跑得好爽，為我既2012做左個好開始。我期待之後既賽事。

長跑長有

 
小球場　一班耆英　跑全場死捱
筲箕灣施丹大坑碧咸狂打柴
踢兩嘢個個斷氣　個個煙癮大
老友記老過魯爾　對腳應砌去賣
呢班波當打時期　攞小型球金牌
呢呢場全挽鞋　大啖白泡嘔得快
口水都乾埋　踩波車拗柴
乜筋都抽過晒　佢淨係打winning快  
啤酒兩jar隊晒　身紀有得好快 
啤係咪要修身　減肥
食藥再搣脂　姿整過小女孩
  

上面果首歌既節錄係送俾我地一班跑友既，歌名叫做男子組，裡面係講緊男人三張會面對既事，但好可惜，一眾戰友未到三張已有上述問題。更可惜既係，我地唔係踢波，踢波我地會死得更快，跑步已經可以令我地大啖白泡嘔得快。

2012的第一篇

今朝早，10:30歡樂早場，跑左6個圈，2400米，唔係跑馬，係同朋友去左馬鞍山運動場跑。呢幾年練習都係夜晚，完全未試過朝早，夏天唔使講啦，咁熱。反而冬天朝早落運動場跑步感覺幾好，有太陽又唔太凍，個人又精神D。

話就話跑步，之後沿途送BEN BEN回家途中，特別企劃係睇樓。無錯，只能遠觀..........無錢買唔緊要，歡迎批評。鬧下D地產商係一件幾HAPPY既事情...........

是日既TO DO LIST:

1. Namie Amuro Live Style 2011(原來已經有網民響網上載左，碟都唔使租.......)

2. 尋找S2既兩用叉電座(可以同時叉電同後備電)

3. 流動既緊急叉電器

4. 耳筒(音質與SELLING PRICE成正比.......)

今天有好好練習嗎?

懶了兩個星期，不想再懶落去，應該要去跑跑步了。近排個天給了我一個很好的藉口，一個字「凍」。結果就好多日都唔去跑了。今日鴻仔WHATSAPP左一野召人去跑步，結果就整裝落場啦，自己一個人跑，真係無幾個朋友一齊跑咁HAPPY。一個人跑，好容易就會停下來，幾個人跑，大家吹下水咁跑，咁又跑左幾公里啦........

我在長跑隊的日子

今日都係寫懷舊系列，近排可能真係放得太長假期，成日都係諗舊屎，舊屎.......舊屎仲未沖咩??咁今日又係邊舊屎呢?今日係講中學既課外活動~長跑隊。我記得讀中學果陣，學校最攪野都莫過於有長跑隊既存在，但田徑隊就係到有比賽之前先至臨時拉BAND。講得簡單D，即係長跑隊係好有規舉咁一三五訓練，而田徑隊就一係你自己出去搵田徑會，靠學校的話，除非你真係好有天份，否則徑賽項目，一定唔使諗有獎攞(即係至在參與啦)。

可能大家都唔係好明咩係田徑，講解少少先，其實田徑即係田賽同徑賽，即係陸運會裡面既必然項目。一個運動場，響跑道上比賽既跑項運動，即係什麼100米，200米，同埋110米欄.....就係徑賽。而跳項，即係跳高同遠，絕無色情成份既三級跳，同埋標槍，鉛球...etc.......就係田賽。聰明既大家可能會問一個問題，咁長跑隊咪好多舊魚，因為如果有田徑隊既話，原先長跑隊既隊員咪直接跑長距離既徑賽項目咪得law，即係800同1500米，無錯其實就係咁簡單之ma，不過學校就係咁膠，好似個腦生響屎忽度咁諗野，即係點呢?就係好多長跑隊既師兄弟都會玩埋一至兩項田賽項目，好似我咁，玩埋跳高。

長跑隊點解唔會俾人廢部?其實好簡單，呢個世界好多野都講成本ga ma，先講訓練，我地既教練，都係由學校教P.E.既體育老師負責返，我仲好記得，果時我地訓練果陣，佢可以同時間響學校入面教緊排球隊，問你死未?即係話我地基本上係無皇管既。如果你同其他隊伍比較，足球隊都要有足球場先練習到，咁長跑隊係咪一定要book運動場呢??傻啦，田徑隊就話姐，長跑隊係跑街ga ma。再加上地理上咁近沙田城門河，點跑都得啦~不過我地班衰仔又真係幾勤力練習ga，一個星期操三日，星期一三五放左學都有練習。咦~咁咪悶死，三日都對住條城門河?星期一，我地會上山，由學校(瀝源)跑上shatin college。星期三就跑七公里左右，城門河到馬場至大圍。星期五就甘law，因為有星期六日休息，城門河4公里左右之後再返學校練體能。

Lunar Run

之前出左galaxy s2，為左發揮佢既最大效能，裝左my track之後我決定下定決心lunar running啦~(所謂lunar run，意思即係響平凡既晚上沒有限制地跑步，地點距離隨心，非常適合繁忙生活既香港打工仔.....我覺得)

復操既目的係為左之後報既賽事，目前已確定既賽事係可口可樂健跑樂2011，之後可能會玩埋new balance 九月既賽事。其實之前報左奧運歡樂跑2011玩既，不過當日就因為我報名報左兩個人，而我又有一家3口，報少左個，為左俾夫人同阿女落場，我就無跑到啦......不過都享受呢個家庭日既~~~~

講返今晚，my track呢個apps幾好，我一面聽緊歌跑既時候，佢夠一公里就會話俾我聽用左幾多時間，真係好正。跑完之後配合google既地圖功能，可以record低我跑既距離，不過而家既問題係要先操返起體能，係時候要考慮下健身室啦......另外15/8就係final既nursing筆試，今日都叫有去下自修室溫下書咁啦，感覺好似返左去中學年代，練完跑之後溫書，血液循環好d，d血流上腦快d，個人都醒d ar!!!!!!

Nike Zoom Waffle Racer VI

上圖係今日以199蚊既跳樓價入手既跑鞋：Nike Zoom Waffle Racer VI，對鞋真係輕到無朋友AR~~~~最重要既係入手價只係199蚊港幣，唔使諗，即刻買啦~~~~

時間停在這分鐘

好多謝大家既關心，星期日既10公里賽，我缺席了...........但唔代表由那天﹑上線果分鐘﹑起跑果鎗果一秒開始我唔會再跑長跑，我一定會返來...........唔會放棄............今晚有時間，又無神神上網聽903啦~真係好耐無聽收音機啦~~~~~估唔到阿芝離開903之後，MINI都走啦......仲有7日倒數........唔知之後叱吒樂壇會唔會由梁文禮頂上呢?我仲好記得我中學年代都係聽903大，果陣晚晚都是日本人鄭家輝GA~~~~~~之後就係風雲廣播劇，好耐歷史啦都..............

NIKE10公里挑戰賽2008

好過份~真係超級過份，田徑之前吹曬風話16號公開接受報名，琪琪佢地有屬會既就早成個月已經報曬，我地就等16號啦~上個星期六期實已經收到報名表既我就已經二話不就即該填表交FORM啦~到今日有同事話諗住上網報啦~16號公開接受報名，16號就話無曬位~真係好想小小佢~咁我地填表既唔使玩啦!!!!

南區沙灘競跑賽2007

今朝一早去左淺水灣跑南區沙灘競跑賽2007，今年既時間麻麻26分幾，上年24分幾......慢左成兩分鐘.......今年同埋何美琪一齊去，佢果組得5個人.......根本無對手可言......結果輕易取勝~我就唔係咁在狀態.....唉~~~~~~~~~結果跑完就急急腳返屋企啦~

Run For Love X 小肥音樂會

尋日唔記得左寫BLOG......今日成日都出左街.......好多節目AR~~~~~~先睇相先~~~~~今朝一早，去左ADIDAS既RUN FOR LOVE賽事幫手~第一次在公路賽中擔任工作人員，感覺很新鮮。夜晚既重頭節目當然係MOOV LIVE小肥音樂會啦~好近，仲近過D演唱會$400蚊飛~我同阿星兩個去，阿星同左好多歌手影相.....我都有AR~我同吳雨霏合照AR~~~~~

NIKE10公里挑戰賽2007

今朝早5:00，晨早就出左去啦~去左跑nike10公里，今年向天水圍濕地公園附近比賽，我諗大家最想知既就係我造出既時間。成績：57'12，我覺得ok滿意啦~黎緊既賽事將會係12月16日既南區沙灘4公里，重點將會訓練速度。希望今年個時間好過上年啦~

親子旅行

今日係瑤瑤間學校既秋季旅行，地點係黃金海岸沙灘。我地又成家一齊去啦~中午飯去左食韓式自助餐，其實之後會參觀埋新機場，不過瑤瑤下午有要事，所以我地早走，同老師講BYE BYE。







夜晚我又要上堂啦~真係好鬼勤力......今晚考LEVEL 2既MYOB MOCK TEST，下個星期又考試啦~之後第二朝一早就跑NIKE 10公里，諗起都覺得恐怖.....鐵人生活......

Running in the 90's

昨天晚上，幸運地有空閒時間，去左跑步。原本跑半個鍾諗住返屋企，返屋企途中撞到個師兄，跟住就陪佢跑啦~原來跑步可以有唔同既原因而跑，師兄就話壓力大所以去跑步....而我呢??只因：我愛跑步!!!!!!

近排中心忙緊賣愛心劵，老細今年唔知發咩神經，攞左成450本返中心賣.....仲要月中撞正機構賣旗仔......都唔知賣唔賣得曬tim ar???

Road to infinity

自從中學畢業後，我都有成兩﹑三年空白期無跑步啦~係近半年前轉0左份工先有時間練返跑，無可否認，已經再唔係自己既黃金時代，教練話：在職人仕Keep到5分鐘一公里已經好好~後生仔就話用速度做目標，我地D老野就用距離做目標...
近排真係好多野做，我係指除0左返工之外，好多野攪~少0左好多時間陪屋企人...但係又唔知點解而家又0向度寫緊BLOG，可能太悶掛~香港人就係永遠都係無野做就找野做，永遠都唔會俾自己停下來!
十月十四日，終於都第五次田徑裁判實習完啦~~~~~~
近期推介：泳兒-黛玉笑了﹑世界請看著我