從18 19 20 到20年～

原來已經出道20年，20年，仲係我心目中既天后～amuro namie，第一首聽到佢既作品應該係can you celebrate，而第一隻碟就係181920，果時我應該係中二至中三。安室吸引我既地方係佢既歌，佢既舞，衣著～淨係感情生活都型到爆啦～真係無諗過20年啦咁又，佢既音樂，佢既舞都繼續令我著迷。

20週年既大碟有佢～UNCONTROLLED，誠推作品真係成隻碟首首都咁正～先推SINGING ”YEAH﹣OH“ 連個MV都無得頂，D舞好睇到呢～之後GO ROUND都係要連MV睇先夠完美～

觀塘工廠探索 Kwun Tong Factory exploration

Today is unwilling to have day off, nurses this job always like that, if you want to have gathering, you need to on duty. Adversely, if you have day off, all of your friends need to work. Today is lazy that wake up at 12N. Although now is August, this summer have no chance to pool for swimming. Last night after work go to a restaurant have tea with my friend, the restaurant called FACTORY 99, I highly recommend this restaurant because the food is tasty. The address is as follow:

99 How Ming Street, Kwun Tong, How Ming Factory Building.

I remember that when I was a student studying in Kwun Tong,  I always go to the factory in my lunch time to explore. There is funny that many shop outlet will located inside the factory of Kwun Tong. And the product price is cheaper. This year, I am working in this place again, of course I will go shopping in Nike and Adidas outlet first! 

是日不願放假的一天，護士呢份工最吹漲個位永遠都係人地約GATHERING果陣你就返工，你放假果陣就硬膠膠，今日又訓到成12N先起身，好懶～原來已經8月，但今個夏季好似同游泳池無緣。尋日放左工之後約左朋友食TEA，間野好得，叫FACTORY 99，一定要推推呢間野。好得！地址係～觀塘巧明街99号巧明工廠大厦

好記得果陣響觀塘讀書既日子，一到LUNCH TIME同放學，一定做既事係去工廠大廈行街，觀塘D工廠區最有趣既地方係唔知點解會有商鋪，而且仲會有OUTLET，好多好正又平既野買。今年又出返觀塘工作，第一件事即係搵返我最愛既ADIDAS同NIKE OUTLET先啦，原來搬左，不過仲方便，響地下～位置係開源道駱駝漆大廈果頭，有興趣既朋友可以搵搵～

WHO IS TOMMY??

我喜愛既日本樂團之一the brilliant green既女主音川瀨智子就係TOMMY啦，TOMMY係佢既別名，2001年，TOMMY開始獨立發展，以兩個唔同既形象出碟，分別為Tommy february6，曲風比較80年代的英國POP。另一係Tommy heavenly6，歌曲較PUNK・ROCK，形象HARD與DARK。

黎緊既2月，佢又會再以個人身份推出大碟，FEBRUARY 同埋 HEAVENLY，係新曲加精選??全新作品??真係仲係未知之數，期望呢幾個星期睇下會唔會有機會聽一聽DEMO，希望唔好係將D舊作少冷飯啦~

女子組合

可能我真係毒毒地，由細到大都係鍾意聽同睇女子組合既，梗係啦，咁多個女仔，梗有一個係自己鍾意睇。中學既年代之前都介紹過SPEED呢隊日本女子組合啦，不過佢地就唱多過跳既。唔知大家又記唔記得MORNING娘呢?都係日本既一隊女子組合，而且大堆頭，不過我就對呢隊野無咩好感......都會有聽下佢地D作品既，代表作：LOVE MACHINE

時至今日，由於當年既是日本人鄭家輝已經沒落左好耐啦，再加上香港轉吹韓風，但最吹漲果下係D 韓國女子組合又走去日本發展出日本碟WOW，你話死未??近排成日聽既女子組合，首推既一定要推一下 Girls' Generation ，又名少女時代。一共九個女仔，慢慢睇。不得不聽既係佢地既第三張單曲~ Mr. Taxi/Run Devil Run。另一隊都係近排成日聽既就係~KARA，呢隊少D人，得五個女仔，都係韓國出品，日本有落。對佢地既認識係開始於李蘊同劉欣宜合唱左首歌叫Mister，原唱者就係佢地啦~當然，網友響網上一定會將劉李版既廣東話版 Mister 同佢地作比較啦.......之後再聽佢地既作品係STEP。無錯，就係木村都話正果隻PAT PAT舞啦，佢地D舞真係一流......最近一定會聽既係WINTER MAGIC，好得，一聽就知係今年既冬天主打啦~

我既最愛當然係佢啦~少女時代既林潤娥(允兒)又名小鹿允

我的11年十大

今日先至係12號，唔理啦，我驚之後無時間寫BLOG，襯有時間就寫左先，一於截數~11年我最常聽既十首歌：

10 一人旅行團 林欣彤

9 HANABI Mr Children

8 I Just Can't Breathe The brilliant green

7 fight together 安室奈美惠

6 花千樹 容祖兒

5 無人之境 陳奕迅

4 Winter Magic KARA

3 很久沒有約自己 泳兒

2 Magic In Your Eyes Tommy February6

1 STORM Mr.

懷舊系列之SPEED

其實可唔可以叫懷舊系列呢?事關人地仲唱緊既，不過係自己無聽姐........先介紹一下先：SPEED，係日本既一隊四人女子組合，1996年出道，但我真真正正愛上佢地既音樂，應該同好多朋友一樣，都係一曲WHITE LOVE，呢首歌都可以算係佢地既代表作，單曲響Oricon公信榜期間，銷量已經有達184.5萬張，總銷量高達200萬以上，同埋都係歷黎SPEED咁多首單曲黎講最高銷量既。

WHITE LOVE

我仲好記得，鍾意聽佢地既作品既時候，自己仲係讀緊中三定中四，果時MP3技術剛發展，不過網絡仲係56k既年代，download一首歌分分鐘要成個鍾，仲要係求佢期間唔好斷線。雖然日本同香港唔同，日本係興一首首歌咁出single既。不過第一隻入手既唔係SPEED既single，反而係佢地既大碟~MOMENT。推介作品：WHITE LOVE既(Christmas Standard version)同埋ALL MY TRUE LOVE。果時無咩零用錢，買既都係港版。如果以一隻大碟計，港版既MOMENT，100蚊有找，仲有POSTER送。但原裝日版既就要200幾蚊........

Presious Time

第二隻入手既就係佢地第9隻single~Presious Time，呢隻碟都係最後一隻使用8cm的CD作為唱片，推介歌曲係side track既當季節逝去時;，係紀念哆啦A夢進入電影、電視20周年的劇場版動畫《大雄的宇宙漂流記》的主題曲。

不過時間過得好快，2000年3月31日，SPEED宣佈解散。其實之前都有先兆，團員們開始在獨立發展。由第7隻SINGLE開始，side track已經開始有hiro同eriko既solo歌曲。

hiro獨立發展後既第一隻大碟：BRILLIANT

Sit!Stay!Wait!Down! / Love Story

出啦出啦，今日終於都出啦，今個冬天有佢ar~安室奈美惠既new single 推介作品當然係love story啦，冬天聽真係好有feel ga~咁多年都係我最愛既日本女天后，始終都係你!!!!

參考website:http://www.avexnet.or.jp/amuro/index.html

閃電十一人

其實我已經戒左打機好耐，之不過如果有D好玩既GAME一出，唔使諗，我又會通霄都照打，不過呢個星期就真係要收下手啦，事關黎緊既星期五又要考試，係時候又要修心養性啦~~~~


如題，近排於家中玩緊既係閃電十一人3，已經不知不覺地出到第三輯啦~愛上既原因係因為佢裡面既人物造形真係好得，每個人物都有佢既特色~而且又係自己最鍾意既足球GAME，再加上RPG既元素，你話我點可以唔玩呢??

江湖漫畫

一講到江湖漫畫，好多人都會第一句就話：「教壞細路」，其實如果響香港黎講，以現實生活作背景而又寫得起既港漫只得兩類，一係愛情漫畫，例如百分百感覺，(不過而家都好似無左啦，頂多有時會有小品之作)。而另一類就係江湖漫畫啦，2大分別係瑞新既火武耀揚同牛佬既古惑仔。其實都仲有其他題材既，好似體育既作品﹑足球﹑賽車等等，不過始終由香港人寫都係寫唔起..........

其實我由高中開始已經睇江湖漫畫，之前都好似講過，但今日主要想講既係我對2大江湖漫畫最近既意見：

先講長期睇既古惑仔先~
其實由牛佬將古惑仔轉左做3日刊開始，已經覺得質素下跌，所謂質素，最重要既當然係劇力先啦，之前都講過劇情既問題，但慢慢會再發現，由1996年到而家既古惑仔，一個大江湖，有好多大家都喜愛既角色，就係因為3日刊關係，牛佬照顧唔到咁多大哥們，結果就要整死部份角色。但呢個都唔係重點，重點係以前既古惑仔，同時間劇情開幾條支線都OK，但3日刊之後既古惑仔就只係得一條主線，睇睇下，如果條主線唔係咁合口味，真係會悶LAW!第二樣野要彈既就係草圖既問題，可能大家以為，3日刊會加快古惑仔既劇情，但事實非也。一. 牛佬有好多時都會拖劇情﹑二. 對比返以前既古惑仔，你會睇得出每期頁數雖然差唔多，但每頁既草圖就少成倍!係，你可以話讀者會睇得舒服D，但真係睇得唔高興LAW，有時仲會覺得有幾期真係好垃圾，完全唔可以接受!講完彈，都有讚既地方，就係佢既稿真係好整潔，而且所用既紙質都十分之好。

跟住要講既係近年先開始睇既火武耀揚，瑞新既作品，雖然一個星期先出一期，但編劇係十分之咁出色。要彈既主要都係好多時都太暴力﹑另一方面既係唔係太能夠集中描寫出每個角色既特點，好多時都係大哥們齊齊互動，而且有時會覺得D草圖會睇到讀者好亂。不過瑞新就真係交足功課，每期D稿都好足，劇力又真係好得，唔會有一期我係覺得要回水LAW!

兒時喜愛

Rainy days never stays

唔講可能大家唔知，我中學果陣其實係一隻本地碟都唔會買既，除非好值得我買啦，否則都係得個聽字。可能就係因為有我呢D咁既樂迷，香港既樂壇先會低迷。其實老實講，外國的月亮是圓的，又唔係無道理既，至少我覺得日本人造碟會有HEART好多，所以中學階段，小弟既錢大多數都係投資落日本碟度~當年我既最愛有：SPEED﹑GLAY﹑The Brilliant Green................

獨男

作曲：John Laudon
填詞：林夕
編曲：John Laudon
監製：古巨基

晚飯得我望前顧後 餐廳窗邊走回頭
泡麵跟我是朋友 熟悉得不須要抬頭
不管我 留嘴邊的污垢
不知我 連番激鬥沒對手
才獨鬥 殺光種種妖獸
但我也快要成為怪獸

我沒風格沒人注視 花不起錢趕潮流
我沒好處沒人約會 躲於蝸居裡漫遊
逼不得已 才愛上了自由
不知道 如果不說話太久
難道會 記不起怎呼救
遺忘談情節奏
遺忘如何才可張開笑口
告訴我孤獨並無罪 誰和誰不好意思
不請我去 談笑風生應對
我這樣沒情趣 明明毫無條件怎麼敢趁墟
前來尋開心心已虛 誰人能搞出這麼多派對
情侶都一對對 有我有獨特奇趣
應該真心想我去

我未好到被人發現 彷彿隱居軀殼裡
我未差到被人記住 想改花名要問誰
不好玩到 連街都不想去
早知道 如孤癖中毒太深
尋伴侶我踩慣了地雷 能爬仍爬過去
然而無人能追怎麼要追
告訴我孤獨並無罪 誰和誰不好意思不請我去
談笑風生應對 我這樣沒情趣
明明毫無條件怎麼敢趁墟
前來尋開心心已虛 誰人能搞出這麼多派對
情侶都一對對 有我有獨特奇趣
應該真心想我去

我未相信沒朋友 伸出雙手打到有
你願跟我做朋友 但摸不到我手

魔物獵人ONLINE

終於都考完試啦，不過呢個只係block1既written exam，之後會仲有好多大大小小既戰役等緊我.......今日最慘既係又唔見左150蚊啦~部手提電話壞左，要攞返上samsung，早知上個月攞去啦，剛過1年要俾150蚊檢查費.........unhappy~~~~下星期開始就要14星期九龍醫院既戰鬥啦~~要努力ar!!!!!
講返考完試之後既娛樂，就係一隻價值9蚊既魔物獵人ONLINE啦，之前PSP版其實已經好想玩，不過2個原因：1.無錢﹑2.無時間，所以一直都無機會玩到，直到而家出ONLINE版，可以俾玩家一齊響網上組獵團，真係幾有趣味GA~~~~

ONE LIFE

佢又發功啦~除左宇多田光之外，如果以R&B既歌手黎講，我既至愛就係佢啦：倉木麻衣。今次既新碟同主打推介既名都係ONE LIFE，極力推介：Silent Love～Open My Heart～同埋BE WITH U

炮轟自己友頒獎禮

先講今日既行程先，今日一家大細出動既FAMILY DAY，地點係海防博物館，都叫OK好風景GA~~~~推介指數係7粒星星(10粒滿分)。自從之前果個CCTVB剪到叱吒一舊舊之後，上星期六，我一於放棄睇勁歌總選(唔好意思，應該係自己友頒獎禮)，今日先睇返賽果，至覺得自己唔睇真係有D可惜，可惜在MISS左睇難得一見既大婆台無一線歌手既頒獎禮，D賽果真係令人好驚喜GA~~~~先講出場歌手先，嘩~~連葉文輝今年無出碟，派台歌都唔知有無都有份出席勁歌總選AR~CCTVB真係勁AR~~~無錯，係，無錯，啤梨AR，無錯............而獎項方面，亞太區最受歡迎男歌手係：林峰AR~~~~~勁AR~~~~仲勁過古巨基，亞太區WOW~~~~叱吒今年真係錯曬啦~林峰三甲都無.........唉~~~最後既一句：「如果做頒獎禮做到咁，不如咪攪啦~好難睇LAW~~~」

還我足本叱吒！

對於我呢個小樂迷黎講，一年一度既叱吒係幾咁重要既事，無線電視.........你將叱吒CUT到咁，不如唔好播啦~寧願播歌手訪問都唔播得獎歌既LIVE(播阿SA同WILLIAM既廢話都唔播EASON唱歌，EASON一首歌都無唱過............)好過份..........未試過一年叱吒係睇到想鬧人既~商台雖然走左好多DJ，但今次個SHOW都做得好好，最錯既係俾無線播.............再講AR~無線既勁歌總選一年衰過一年，好心就學下叱吒啦~無心做音樂既就咪做啦~超級巨聲又係咁﹑勁歌都越黎越唔得啦~~~淨係識俾自己D親生仔女出，你有無俾過D機會音樂人AR???攪到今年勁歌總選都唔想睇啦..........

講返賽果先，叱吒台係真係最難上GA，因為唔係睇名氣，係睇實力既~

10. 妮歌 何韻詩

9. 弱水三千 麥俊龍

8. 年度之歌 謝安琪

7. 給自己的情書 鍾舒漫

6. 原來過得很快樂 楊千嬅

5. 地球很危險 古巨基

4. YES AND NO 張敬軒

3. 你瞞我瞞 陳拍宇

2. 阿波羅 RUBBER BAND

1. 七百年後 陳奕迅

弱水三千VS霹靂干戈

今日既題目好似好怪咁，其實係代表緊我最近好欣賞既兩個ARTIST~JUNO同狄2達。先講JUNO，之前響BLOG度都提及過佢，而佢最近自稱為本年最滿意既作品-弱水三千，無論係歌同個MV，都俾到我地呢D樂迷睇得出係用心之作，而且佢既假音又「升左呢」啦~~~跟住要講既就係狄狄達啦~初出道既一首JUST GO都未叫我去留意呢個跳舞歌手，論樣﹑知名度﹑公司，同類歌手中大家都鍾意將佢同陳偉霆比較。但自從一本「信念」既訪問，我開始欣賞狄易達啦~從前既佢響街場跟人學跳舞，由街場既BATTLE跳到幫信義會教年青人學舞，到而家出左名，狄易達都無忘本，天水圍青少年問題嚴重，好多雙失青年之餘，最近更有吸毒問題，狄易達都熱心幫助年青一輩，好難忘佢個BLOG既一句：就算幾忙都返天水圍睇你地跳呢~~~
P.S.近排電台怒播霹靂干戈AR~証明狄狄達唱功都唔差AR~

(又乘機POST下瑤瑤D BB相先)

謝安琪，我們為你吶喊!

紅館裝修之前最後一個個唱係KELLY，雖然紅館裝修之後已經有好多歌手開個唱，但我就係第一次紅館裝修之後去聽演唱會，主角係佢：謝安琪.............................................

好明顯，佢未到天后級既個唱，但論STYLE，絕對係地道既香港演唱會。謝安琪，不要死。絕對唔係一碟歌手既你~~~我們為你吶喊!

第一次既個唱算係咁啦~不過成日唱錯歌詞.......................期待妳既另一個吶喊............................

金像獎賽果~~~~~

前兩篇就同大家分享過心水啦，結果點呢??
最佳電影：葉問 (真係葉問WOW~)
最佳導演：許鞍華(天水圍的日與夜)，証明左票房唔代表D咩~
最佳編劇：呂筱華(天水圍的日與夜)，今年D評審係咪LIKE寫實片??
最佳男主角：張家輝(証人)(真係張家輝WOW~)
(最佳女主角：鮑起靜(天水圍的日與夜)，唔好話敬老，絕對係有實力~
最佳男配角：廖啟智(証人)(智叔好野!)
最佳女配角：陳麗雲(天水圍的日與夜)，有少少失望LAW~
最佳新演員：徐嬌(長江七號)，好明顯係星爺關係啦~
最佳攝影：黃岳泰(畫皮)，無野好講~~~
最佳剪接：邱志偉(保持通話)，TIP中~
最佳美術指導：葉錦添(赤壁)，TIP中~
最佳服裝造型設計：葉錦添(赤壁)，奚仲文輸左??
最佳動作設計：洪金寶、梁小熊(葉問)(理所當然~~)
最佳音響效果：吳江、Roger Savage(赤壁)，TIP中~
最佳視覺效果：克萊格海斯(赤壁)，TIP中~
最佳原創電影歌曲：畫心 (畫皮)
新晉導演：郭子健(青苔)，都OK好睇GA~
最佳亞洲電影：集結號....O左咀~~~~~

香港電影金像獎

本來呢篇係要寫台南之旅最後一日既行情，不過見就快金像獎殺到，我呢D小影迷一定要發表下心水啦：
最佳電影：赤壁(吳宇森)(其實有少少想選葉問，加上第一集有少少拖，不過整體黎講都覺得係超班之選，淨係打仗既場面已經可見吳大導下過不少功夫~)
最佳導演：陳木勝(保持通話)(部戲既節奏做得好好，令觀眾受落。)
最佳編劇：吳煒倫、林超賢(証人)(劇情令我感到最吸引既地方係首尾呼應，唔到最後，都唔知張家輝點解會隻眼會咁，同佢老婆點解做左植物人.........)
最佳男主角：甄子丹(葉問)(抄三姑果句：想係甄子丹，覺得係張家輝。)
最佳女主角：鮑起靜(天水圍的日與夜)(票房唔理想，女主角名氣唔大唔代表鮑姐唔識做戲。)
最佳男配角：廖啟智(証人)(智叔自從向電影發展之後，D演技好睇好多，反而電視劇真係唔得LAW~近期推介有佢份既作品係神鎗手。今屆除左佢，張豐毅我覺得都係大熱~)
最佳女配角：黃婉伶(性工作者2 我不賣身‧我賣子宮)(個人而言較喜歡趙薇，不過RACE真係響部戲裡面演得好好~)
最佳新演員：梁進龍(天水圍的日與夜)(TIP個比較冷門既，佢演出左一個時下典型既青年。不過徐嬌長江七號既反串演出加上星爺既名氣會唔會令佢攞獎呢?)
最佳攝影：呂樂、張黎(赤壁)(唔使問，一定係赤壁~~~~~)
最佳剪接：邱志偉(保持通話)(頭先講過，部戲既節奏做得好好，好大既功勞歸功剪接。)
最佳美術指導：葉錦添(赤壁)(如無意外，應該係佢同江山美人之爭~)
最佳服裝造型設計：奚仲文、吳里璐(江山美人)(古裝黎講佢既服裝造型比赤壁同見龍卸甲優勝。)
最佳動作設計：洪金寶、梁小熊(葉問)(武打片WOW~洪家班出品~~)
最佳音響效果：吳江、Roger Savage(赤壁)(好記得戲院睇個陣淨聽音樂已覺得好有FEEL~)
最佳視覺效果：克萊格海斯(赤壁)(唔使問，都係赤壁~~~~~)
最佳原創電影音樂：岩代太郎(赤壁)(原因同上。)
最佳原創電影歌曲：隨夢而飛 (江山美人)(我平均三日聽一次AR~)
新晉導演：郭子健(青苔)(mm......提名既其他兩部都未睇過~)
最佳亞洲電影：海角七號(今之去台南旅行既原因~)

又話有好多謝安琪?

今朝未到10點，我已經上定城市電腦售票網，REFRESH去到食飯，都係SERVER BUSY.......算，12:30一放食飯親自殺去通利琴行.........唔係下化?全部賣曬??O曬咀AR!!!!!!!!即刻殺返公司啦~~~上YAHOO拍賣，已經有D PK響度抄飛~~~~佢老板~~~~200蚊飛賣350蚊~~~~~~下午4點，死唔信邪~~~~身為忠心樂迷既我，再上城市電腦售票網睇下啦~~~~天無絕人之路......兩張尾場分開坐既200蚊AR~~~~唔理啦~~~即刻買左先再講啦~~~~~~~~~