屈堂上小隊

中學既年代，我地呢班窮小子為左可以節省支出，通常都會諗下唔同既計仔，最低能既方法莫過於唔食LUNCH，都係為左買碟.......但持久戰黎講，咁做法我地會好快打柴.......

所以最後，我地決定左齊齊參加大哥哥大姐姐計劃，即係輔導員。咁當然係我地做輔導人果個，唔係俾人輔導啦~做輔導員(即係大哥哥)同節省銀包支出，有咩關係呢??實情係咁既，中一既小DD係唔可以中午離開學校食飯既，但又要睇實班鴨仔，如果你要D MISS同阿蛇留響學校看鴨仔，佢采你都有味啦........結果就係用一個免費飯盒吸引我地大哥哥留響度睇細路啦~~~就係咁，我地屈飯食小隊都係咁而誕生左.......

時至今日，為左可以更有效提升護理技巧而又付出既係最低成本，即係只係付出精神同時間，唔付出金錢.....屈堂上小隊終於都出現啦，不過暫時黎講，成員得我一個.......

趕~ Rush Hours

有時真係唔係好明，人地話人一生好多時間都係等，但我就真係覺得呢期唔知點解，咩都好趕。完左AOM之後以為可以REST一下啦，點之又要趕PROJECT...........

一星期的STUDY LEAVE....唔係，係SCHOOL BREAK

終於又完左呢期既實習啦，不過學校唔知攪咩，先放一個星期假，有同學唔理咁多，打死都去左旅行先，我呢D POOR GUY就唔使諗，留響屋企膠下膠下.........阿爺上星期先講：「係SCHOOL BREAK，唔係STUDY LEAVE，係俾你休息溫下書，唔係俾你放假去玩」。

我看國內護士

呢8個星期都係NGO(安老院舍)既實習生活，原本以為無咩野做，點之日日都充實都爆.......如果你問我想HEA定忙，我一定會CHOOSE後者，我唔想浪費呢2年，學到幾多得幾多，至少唔會將來講後悔。
頭3個星期我同同學都係響六樓實習，其中遇到一個較為特別既保健員，佢係國內既護士，出年將會考香港既護士公開試，有時會覺得其實國內既護士質素一D都唔俾香港弱，實戰能力仲好強，佢地唔分EN同RN，一律都係護士，TRAIN4年。相反，香港最基本既EN，TRAIN2年，出黎起薪點一定高過保健員，國內既護士響香港唔承認，要讀保健員先可以做住保健員先.......有時我會諗，係咪只不過係我地蝦緊人地ABC呢??如果大家一齊響非洲做NURSE，大家都有語言問題，咁就公平啦~所以係咪應該檢討下自己身為PUPIL既學習態度，為香港
護士爭口氣呢?

艾瘋熱

自從前星期病左一日之後，接住AT既COACHING又做得唔好，之後就沒有MOOD溫NURSING既書啦~不過尋日阿爺上過黎探班，我真係好感動，以為自己老師唔會理自己住，其實佢真係花左好多時間響我身上，如果自己唔用心做好D，咁我就真係好有問題啦!!!!!!

講返上星期，唔知點解身邊人人都出i PHONE4，初出既時候，呢部野俾人批評到爆，攞攞下，個接收可以唔見左幾格，用電量又大，用左大半日已經差唔多無曬電，點解仲有咁多人搶購??係咪因為潮流既問題??

老爺說的外科護理

尋日真係好開心，我諗我都有成6-7年無見過BRENDA啦，佢尋日花左成5個小時教左我好多OT同SURGICAL既野，我真係獲益良多。話說劉SIR(我老細)放大假，佢臨放假之前SUGGEST我可以響佢娘家(4E病房)學下SURGICAL既護理，老細既SUGGESTION唔係話唔好，只係範圍太大姐~通常我有咩入唔到手，都會叫救命。身邊又無外科既高手，結果就諗起佢~~~BRENDA啦~我好記得我入那記門既時候只係得18歲，BRENDA果陣仲係一個EN，而家已經係NDH OT既一個RN，你話時間係咪真係過得好快呢?

護士的工作

06:00 - 07:00 在量血壓的一天出發
07:00 - 10:00 四眼仔神奇Forcep特約 睇你點洗
10:00 - 12:00 密密洗　邊個夠我洗得慢
12:00 - 14:00 小喇叭個肺 吹你既Peak Flow Met.啦
14:00 - 16:00 OT特約 送CASE 落OT
16:00 - 18:00 收症收收症
18:00 - 20:00 OT特約 收返你個CASE
20:00 - 21:00 屎片王
21:00 - 22:00 try my breast 排版考串字
22:00 - 01:00 阿伯帶你遊花園
01:00 - 02:00 交好你個更
02:00 - 06:00 你老細WARD MAN.特約 小心仆親

BLOCK 2的最後一個星期

未寫今日既BLOG之前，先恭喜雞屎先，雞屎結婚啦~聽日開始就係BLOCK 2既最後一個星期啦~之後會有STUDY LEAVE，6月既18號就要迎接BLOCK 2既EXAM啦~所以都要開始溫下書。有時會覺得STUDY BLOCK其實真係好開心，同班同學仔返下學咁就過左一日，第2實習期其實都出左啦，不過就要去QEH既骨科，好掛住九龍醫院AR~~~~~~~

終於放假了........

終於等到有成5日既復活節假期，真係要好好利用，第一就係要埋好盤數俾人，拖左好耐啦~~~第二就係希望俾時間自己升下呢，睇下D有關MEDICAL既護理，e.g. 糖尿病，放完假之後返多3日P就要同5A告別兩個星期去精神科啦~有點期待..........

失去方向的一個星期

以前寫BLOG，最高鋒時期可以一日一編，又或者係三日一編.....而家已經變左做一個星期一次既節目.......講返今個星期，都係響5A(MEDICAL Rehab.)病房過日子......成個星期都係烚下烚下多......個人好似失去左學習重心.......原本以為天氣開始熱，點之呢兩日又凍返.......個喉嚨又開始痛....又要出動得果定啦.........好期待快d到study block2.......好tired......每日都係.........

護士AR~唔該...........

轉眼又響4A病房過左....我都唔記得係5定6個星期啦，今日係LAST DAY，不過小弟份REPORT就未出啦，要下星期二先約見到雄爺簽.........最難忘既事都莫過於D PATIENT叫自己，一係叫醫生......吹漲.......一係叫四眼仔..........雖然未畢業，但都會有人叫我做護士.....(不過聽到都有D打冷震)。下星期就會開始上5A病房啦，MEDICAL WARD會有咩學呢??期待!!!!!

4A一週回顧

不知不覺已經踏入第一實習期既第二個星期啦~回顧上星期，大致上我既問題如下：
1. 唔醒目，有D位會烚下烚下，LOOP左響度..............
2. ROUTE做得好慢，跟唔到大隊..........
3. 太倚賴師兄，獨立不能............

今日試插第一個胃喉，結果係失敗........唔緊要，明天會更好!!!!!

2星期的STUDY LEAVE

兩個星期既快樂STUDY LEAVE開始啦，為既係22號既EXAM，呢兩個星期我都係重點研究Normal Electrical Activation of the Heart(即係心臟既正常傳導)好X複雜，要多少少時間消化下。

另一方面，上個星期，建仔煩緊頂人間鋪既問題，如果情況絶不理想,理智的想也分析到不去冒險的話，朋友，就算你係想試與否，我也會與你共同進退。

南丁格爾手記

是操作的手，

是眷顧的眼，

流露上帝屬天的智慧，

讓那疾病的﹑康健的，

軟弱的﹑強健的，

都能讚美上帝多又多。

2009聖誕快樂

骨頭人係我響護士學校最好既朋友，佢叫JIMMY仔，不過聖誕節佢好慘AR，要自己一個留響雜物房....聖誕快樂啦~JIMMY仔~~~

護士學校既後花園

護士學校的第二個星期

今個BLOCK一共有5個星期，轉下眼又過左第二個星期啦，發現左兩個道理就係：1.唔溫書死梗，2. 練習是最好的溫習。

上面兩張圖係今個星期教既野，包括氧氣治療同洗口，黎緊呢個星期好正AR~星期五放聖誕節假，返四日學JA~~~~

護士學校的第一個星期

剛過去既係護士學校既第一個星期，起初唔太習慣，到左星期三左右開始適應，不過真係好多書要溫，唔好好溫書會好大鑊~~~~原來1個月左右就要出WARD實習啦，所以出WARD前真係要好好準備，唔係就.............成班同學有成110人，男仔大約20人度啦~MISS同我地分左6組，我果組有18個人，計埋我只係得4個男仔，始終護士都係女多男少既行業，不變定律~~~