新的戰場

不知不覺間已經返左新工兩個星期有多，都開始適應了。最有趣既係如果夾到DUTY，可以同夫人一齊返A同返P放工返屋企。佢行五天，我就兩個星期三日O，所以有D部分時間大家雖然同更但會有出入。院舍俾我既感覺，工作量其實又唔叫太忙，不過話曬私院，要比較要求高。同埋總監，經理都對我對工作上同護理理論上有要求，耐不耐又會講下書，問下書。不過都算係咁，佢知我係新畢業，都好肯教野。今個星期其實都記得曬D院友既名，開始要去了解下佢地既病歷，唔係俾人問起書會唔識答.........

今日終於都去左佐敦科水，傑志既球迷會。同一時間，夫人同阿女去左科學館。大家齊齊科左兩舊水，佢就繼左康文署既博物館年票，我地一家三口，200蚊，都幾抵。傑志球迷會(藍浪)，我都係JOIN左家庭會員，好多時我地都係成家咁去JOIN一樣野，家庭就是這樣的~講開又講，自從返左新工之後，好多時都入唔到場睇波，希望亞協果陣唔好咁，所以RE DUTY睇波好緊要。今個星期五好好彩唔使返，可以睇到傑志VS港菁，老虎都要入場AR!!!!

(SMART雜誌送的多用途工具)

受之有愧

尋日返左那記，今次探親既地點係RENAL，好開心可以見返D舊同事，可恨既係自己無機會同RENAL同事共事。上面張表揚狀係多謝同工為腎科作出既貢獻，真係有D受之有愧。好多謝RENAL同事既關心，多謝BEN哥﹑玉明既問侯，如果有一天，我努力讀書做到一個RN，我真係好希望可以同大家再共事。

今日約左班老友記食午飯，我要走啦，大家要好好保重，上圖既唔係咩貴野，係比黃金更珍貴，謝謝大家對我既關心同愛護。

不幸的一天之「阿基有難」

跟住要講黑仔野啦~原本諗住下午睇下目哥攪唔攪D風扇，點之阿基哥跌親，諗住佢無咩事啦，點之越來越唔醒，同佢量血壓啦~見有D高，之後仲成身無力TIM~~唔理啦，要CALL白車啦~~~~

今日中心各同事都好忙，基哥又無人無物，咁咪送佢去PWH一轉LAW，點知佢帶成大舊錢出街，無人肯幫佢保管............之後個差大哥同我點收，撞鬼佢，基哥仔D錢左一張右一張，攪左成粒鐘先點好........之後由於差大哥想俾到佢家人，我又俾佢留左兩個幾鐘..........結果5點度先走人..........

好多朋友事後都問我，點解你OFF DUTY都送佢入廠，你同個阿伯肯定好好感情啦~我可以答你：我同佢既感情唔好，直接D講我唔係太喜歡佢。咁點解我又要送佢入廠?有兩個原因：

1. 佢跌響我面前，見死不救無資格做醫護人員。

2. 其實諗深一層，佢無人無物，真係幾可憐。

上到救護車果一刻，其實真係諗左好多野，一個人後生果陣有幾風光，老來沒有人相伴，身體又大不如前，就算有千萬身家又如何?可能比死更難受.................

不幸的一天~

唔講D黑仔野住，先講D開心野先，今日雖然DAY OFF，但係都想跟同事去李惠利既OPEN DAY，因為想睇下而家D專上學院既情況。

令我最感興趣既都係佢地既鐘錶同珠寶設計，真係好PROFESSIONAL AR~~~~

最唔開心既都係D老人家又貪人地D小禮物，我都將個環保袋俾埋佢地啦，仲有D老人家響度嘈話點解佢地無，大佬AR，你估人人有既咩??無咪算LAW~ 點解成日都係咁??為左一個環保袋都反曬面??

轉會熱潮

我覺得近排真係好多人轉工，包括我D同事﹑朋友.....攪到自己都想走埋一份.......真係GA~個人工水平實在太低啦!!!!個市又好左咁多，自己大大話話都做左幾年野啦~都係時候出去再創下GA 啦~~唔係就無機會GA啦!!

電腦化財務會議續集

今日同老細出左去開第二次電腦化財務會議，開到成6點幾，都好......唔使再開第三次啦~計計下，原來得翻7日時間做TAXTATION份功課......下星期五又去左睇容祖兒啦~~~~真係無咩時間做功課...........都唔知點算好~~~~~

共建和諧好家園

今朝一早，一早返中心帶左隊去長者數碼日2007，多謝陳智花拔刀相助~~~~~下午就同一眾老友記及家人出席共建和諧好家園頒獎禮。高興既唔係老友記得獎，反而係一個溫馨既家庭。所以每位得獎既老友記我都會邀請埋家人一齊去(咁先有意思)。

本月首課電腦班

是日下午，本月首課電腦班終於開始啦~原本係上個星期二既，不過大家都知上個星期二發生咩事啦~中心水浸.....好彩D電腦全部都無事......如果唔係今日就大獲啦~~~~今日上堂，氣氛尚算OK~6個人報名返左5個，有4個係新人.....其實真係最想做新人~~~~無新人加入既話個班組好容易玩完~~~~~最吹漲既係次次未開班之前都好難找參加者，到開左班之後總會有一兩個老人話想學.......次次都係咁~~~~~~

大水災

今朝一早，老細急CALL，中心水浸~~~~第一時間殺返中心啦~嘩!一返到去，成間中心都係水~~~全民皆兵，倒水AR~~~~結果攪到成11點幾，中心先恢復運作。水浸之後，中心乾淨左好多~~~

愛在那打素的日子

而家做野，時不時都會諗返起以前向醫院工作既日子，因為每日都有好多野學，個人都成長得好快。可以咁講，我呢身既武功都係果時學番黎.....而家向中心做野，好多時都要自己決定好多野，我老細係一個典型既社工，即係話所有非社工既野你都要去處理....所以有時都會諗番起那打素既年代，身邊同事們既照顧.....

有時真係好驚自己向工作上無突破，原地踏步...無野學。所以時不時都會望返轉頭，我有無比前排既自己進步左...學多左野呢???