扶持

我相信近日都有好多好友同家人響我搵工一事上操心，首先想先向大家表示謝意，多謝大家關心。

我從來都覺得搵工係自己個人既事情，但今次都搵左好多好友給予意見，係因為我真係好重視護士呢份職業，唔想亂咁選擇令自己後悔。

今日因為一些文件上既事情返左學校，好好彩撞到miss lee，閒談中其實都係煩惱緊新畢業去NGO工作其實會唔會失去好多學習機會。響我眼中，如果以足球圈作比喻NGO工作與HA或私家醫院工作，NGO的聯賽水平好低........其實一直自己心入面都有呢種諗法，令到而家自己搵工好似卡住卡住咁。今日同miss lee閒談中，得出左一個好重要既訊息，因的忘記了，「無論響什麼地方做護士也好，最重要既係自己有無心做，所有地方都會有東西去學，欠缺是自己既心態」

對於我近日朋友及家人間所發表的「娘家論」及「廢武功論」，miss lee上述的論點已推翻了「廢武功論」。無論如何，我先感謝給我意見的長輩們及朋友，給予我經濟上及精神上支持的家人。我會考慮清楚自己的去向。