近排炒得最熱既話題都莫過於泛民玩5區總辭，不過未發表我對呢樣野既意見之前，我想講下我對議會裡面功能組別既睇法。其實我覺得功能界別係絕對有佢既用處，所以其實應該保留，好似霍生咁，雖然條友響議會度真係唔係點做野，但好老實講，一去到處理，康樂及文化事務，好似協辦奧運﹑主辦東亞運﹑佢既意見一定係寶貴，而且無人能代替，因為無人會比佢更了解，同樣道理，發叔都係一樣，鄉議會事務，無人比佢更了解，所以呢D專業人士對政府發展香港方面有一定既幫助，只不過係選舉制度有問題姐~
改善方法有兩個：
1. 減功能界別議員既投票權。
2. 功能界別議員可由全民普選產生，而非單單由個別專業人士投票產生。
我好唔明自由黨成日話，如果減功能界別議員既投票權，就等於將議員分等級，造成議員分化，咁我想問一句，如果功能界別繼續好似而家咁選，難道就唔會造成普通市民與專業人士分化??社會就可以更和諧?
沒有留言:
張貼留言