尚有28天........

頌安工作的日子尚有28天，尚未對老人家表示我的辭職，公司尚未出招聘，隔離中心同事好想申請我個位，只可以講句，祝佢好運。
近排比較留意香港既足球，大球會既經營模式已漸走向商業化。繼傑志同西班牙既巴塞合作後，前日南華又宣佈正式同英超既熱刺結盟。無可否認，兩間歐洲球會既管理，無論係青訓﹑設備﹑經營方式都比本地球會優勝好多，但重點係，歐洲地大，要有球會既青訓學校容易，但香港既足球訓練學校，數來數去都係得山度士。要一間球會發展得好，青訓係好重要既一環，特別係而家咁講商業化既足球圈，球員基本上係球會既資產，以前黎講，球會與球員既關係只係公司同員工，但今時今日，唔少知名既球會都係以培育新星，及後賣出至大球會來維持球會收入。真係好其待，香港可唔可以做得到呢?可能有一日，陳肇麒會被熱刺收購，南華因此賺一大筆用黎購入高質素球員，令香港足球可觀性更高。