眼不見為乾淨

美國總統奧巴馬未上任之前，一些懷疑是阿蓋達成員或「恐怖份子」的被拘留人士都會被美軍關在關塔那摩美國海軍基地(即人稱關塔那摩監獄)，但最有趣既係關塔那摩監獄並唔係響美國境內，而係位於古巴。美國政府為左人民安全去拘捕恐怖份子係正常既，不過將佢地困於境外就大有問題啦~為左唔想將有問題既野留響美國就要古巴人民去承受，根本就解決唔到問題，但人永遠都係覺得眼不見為乾淨......

反觀我地香港政府，我恨既唔係梅窩居民沒有愛﹑沒有包容，而係我地政府同美國一樣：眼不見為乾淨......曾特首口口聲聲話支持正生書院於梅窩建校，希望居民還小朋友一個重新機會，但一個外籍記者問特首，如果禮賓府附近起復康中心........特首已經即時回應：禮賓府係文物，唔可以響附近起復康中心.............好明顯係眼不見為乾淨既心態去解決問題，佢既心態根本就係全港600萬人，而家只係百餘梅窩居民受影響，咁就叫解決左個問題，好啦~之前又無問下D居民意見，定左案先叫禁毒處去做場SHOW，真係離曬浦~~~~

在我既立場，我係絕對支持正生書院，如果梅窩唔喜歡你地，我喜歡你地AR~入馬鞍山LAW~反正馬鞍山都有空校舍，我都係人地父母，我好認同陳敏兒一句：我好願意去抱一抱你們。但我感到可悲既係：人人淨係識得話梅窩居民無包容，咁點解無人歡迎正生到自己屋企附近建校呢?青少年吸毒係一個社會既問題，唔係淨係梅窩居民既問題LAW!