漫寫人間

我好細個開始已經好鍾意睇漫畫，第一套睇既日本漫畫並唔係龍珠，反而係富堅義博既幽遊白書，果時係小學五至六年級，同期既作品有高橋留美子既亂馬１／２。中學階段，開始接觸港漫，第一套睇既港漫係鄧耀榮既拳皇９７，之後就係馬ＳＩＲ既天下畫集（即係風雲）。高中年代到而家係牛佬既古惑仔，反而日漫已無咩點睇啦～對上一本睇既日漫已經係高中年代既ＨＵＮＴＥＲ　Ｘ　ＨＵＮＴＥＲ。除左１３蚊本既港漫外，李志清既作品我都有追，包括三國志﹑孫子兵法，畫功一流。
其實無論日漫又好，港漫又好，到底咩吸引我呢？首選一定係故事﹑其次係畫功。以人物素造既功力黎講，牛佬一定係香港數一數二既。反而以市場黎睇，大部份人都唔係好理人物素造（即係人物既性格），總之係打書，一定好睇。令到港漫本本都係打，古代又係打﹑現代都係打。其他題材既，根本做唔起。我好熱愛漫畫，但香港漫畫幾時先可以好似日漫咁，百花齊放呢？？