無忘六四

其實我真係好同情曾特首，大家都好明白佢身為一區之長唔可以公開咁表示對六四既政見，原因係呢個社會係接受唔同人士既聲音既，有人話六四係政府動用軍事力量殺害手無守鐵既學生，而另一方面，有人都認為政府為防止國家分裂先咁做。而我呢，我覺得六四應該要平反！雖然政府係有責任保護國家既統一，但點都唔應該動用坦克車殺死手無寸鐵既學生。學生係知識之士，對國家有不滿，難道唔可以坐下一談嗎？只有暴政先無咁～～～人命黎ＧＡ～要還學生一個公道。

好啦～到曾特首啦～咁點解我會同情佢呢？因為大家都知道遊戲規則，佢係帶領香港既一區之長，佢既政見係好影響到香港人ＧＡ～如果佢發表自己係支持平反六四，咁係咪即係代表我地要討伐Ｄ持反對意見既人呢？？唔道呢個社會係無包容既？？所以我好唔明白，點解泛民要咁迫佢？？應該要尊重唔同人既政見～

咁阿曾有無錯呢？？有！絕對有！錯就錯在佢講錯野～佢可以講佢身為一區之長唔方便回應，會尊重社群不同既政見，但佢唔可以話佢代表曬我地！！！！！所以我都會講一句：＂ＤＯＮＡＬＤ　ＴＳＡＮＧ，　ＹＯＵ　ＤＯＮ’Ｔ　ＲＥＰＲＥＳＥＮＴ　ＭＥ！＂

Ｐ.Ｓ.我都想買上面果件ＴＥＥ，但可唔可以刪走公民黨個ＬＯＧＯ　ＡＲ！！！！！！！！