男人與單反 Man with DSLR

龍友，即是解攝影愛好者，你問我係咪龍友之一，老實，我鐘意睇人影多。單反我都有，不過唔會成日走去影相，唔係因為我唔鍾意影相，係因為我懶........不過我都係同其他男人一樣，受到單反魔力所吸引，即係「若要你男人破產，必先要佢玩單反」。當然，我老婆為左家中既資金不向外流，極力阻止我投入單反既世界啦~

自從好多手機既攝影功能改進左之後，無論係像素，特效既APPS都有大幅既改善之後，我用單反既機會更加少了，同埋我影野有時又真係幾衰格，鍾意影D隨心情而影。靚女就梗係等人影俾我睇啦~

購物減壓

話咁快2月又過去了，最開心既事梗係出糧啦，不過傷心既事就係一出糧就無左一半錢，到底D錢去左邊??好多人話護士工作壓力大，我絕對認同GA，不過每個人減壓既方法都唔同，我就鍾意辛苦搵錢黎買心頭好啦。

日系雜誌雖然係貴，但貴得真係有道理GA，今期HEAD PORTER送既袋同電筒仔真係幾有心思，得我歡心!!!!

身為傑志FANS既我，當然唔少得愛隊既主場作客球衣啦，亞協盃都係諗住著佢去，主場定作客型D呢??

大家仲記唔記得以前有部漫畫叫BOY聖子到，入面有個大奸角叫神崎，呢件JACKET我一見到唔使諗即買啦~仲可以幫助下大家學習人體既骨骼，死未??

NBA近排既大紅人一定係佢，紐約人既林書豪AR~~佢既17號球衣，我又點可以唔買呢??

魔法風雲會 Magic the Gathering

特別消息一則：小弟已經有球隊收留啦，希望會有個好開始啦~可能返工後會少左時間UPDATE個BLOG，唔理啦，今日寫多篇UP多一野先。

今日講既都係那些年系列，不過就唔係小學雞時代啦，係中學時代既玩物。可能大家都會問點解近排成日都係講那些年，絕對唔關九爺效應事，而係就過年，執屋執出那些年姐~~介紹一下魔法風雲會先，其實係一種卡組玩意，兩個朋友仔各自組出自己既卡組，模擬兩個巫師響度隻揪隻。

卡牌主要分為五種顏色另加神器牌，五種色分別有自己既特色，白色，代表光明，士兵，僧侶牌多為白色，魔法方面，白色魔法多回復系魔法。紅色牌多鬼怪，代表破壞、憤怒同埋狂熱，紅色魔法多直接攻擊魔法。黑色牌多殭屍，代表死亡、疾病、自私、貪婪。綠色代表森林 、 大自然，多妖精牌。最後，藍色卡牌代表海洋生物，藍色魔法多反制咒語。遊戲好簡單，對戰雙方各有20點命，遊戲目標就係用手中卡牌將對方「生命」打到0或者以下。

無叉用

大家都知夫人出左samsung galaxy s2都有一段日子啦，原本我天真地以為佢只係會用部電話打出打入，點之原來佢已經學識左點用部野上網睇劇，結論係咁用法部野係一日都過唔到，換黎既結局係真係可能會因為電話無電而搵佢唔到。有見及此，我即時入購後備電啦，但入電唔入叉座，我要叉粒後備電，咪次次要用部手機黎叉.......唔好意思，我又派膠了~~~~

唔使問，之後我又死死氣去左買救命用品啦。上圖第一張係叉座連同步，如果用USB既話，佢可以同步數據，唔鍾意既可以用返三腳叉，最正果下係佢可以同時叉埋粒後備電。唯一敗筆既係佢唔夠位連埋個保護殼一齊插。次次用都要除殼，麻Q煩~另外我仲買多左個救命流動叉電，2000mAh，都夠我叉一次多D，最重要既係唔重，帶出街都方便。

近日入手物一覽

近日好多香港雜誌都好似日本雜誌咁附雜誌附送一D小禮物，我就覺得其實雜誌有無小禮物跟都好，最重要既都係個內容。講真，好多小禮物都係要特別版先有，又咪係要我地讀者俾多幾十蚊...........不過有幾期既雜誌附送既小禮物，我都覺得幾有心，幾吸引~

LEVIS既牛仔褲大家就聽得多，用LEVIS既牛仔造既記事薄，真係幾吸引，係前幾期新MONDAY雜誌特別版送既小禮物。

世界上好多足球隊都會有佢地既吉祥物，香港既傑志都有，佢叫傑仔，唔係ANGRY BIRD.......不過到今年終於有實物賣，支持球隊既唔係星粉既我，當然要有一隻在手啦~尋日場波買左傑仔之後，一返到屋企個女就即刻話要抱下佢啦~~傑仔幾受小朋友歡迎~~~~

今日一入既係東TOUCH既特別版跟既CHOCOOLATE 多用途袋(i PAD袋)，雖然近排好多雜誌都有i PAD袋送，不過呢個design真係好得，40蚊又付上了~~~~

熱血系列

未講今日既話題之前，先講今日既行程先，今日又去左濕地公園，一POST相上網就已經俾自己人插，點解我地何家去黎去去都係濕地公園，無計啦，鬼叫有全年入場証咩.........呢兩日玩緊2隻GAME，一隻係三國志DS3，以PC既三國志5為藍本既三國志系列遊戲，而另一隻都係由陳年舊GAME移植落NDS，不過當年係響GAMEBOY上玩既熱血系列遊戲。

仲好記得當年第一次接觸熱血系列既遊戲係響小天才既電視遊戲機，果陣個個星期六﹑日都一定過發仔屋企打雙打既，另一個就係頭先所講，響GAMEBOY上玩(因為當年屋企淨係得GAMEBOY)

熱血系列既GAME，主要係圍繞住各種既運動為題材，再加入一D打架既元素。你一睇個LOOK見主角們咁爛仔就知啦~同發仔玩就比較鍾意打熱血足球同熱血行進曲。前者唔使問都知係玩踢波，而後者就係玩田徑項目既~

相隔咁多年，估唔到廠商將熱血系列出響NDS度，當然畫面質素比紅白機年代好好多啦，童年既回憶又再一次出現響眼前...........我都熱血起來了~~~~~

500D加DIANA F

之前當DSLR進入數碼化既年代之時，大家都一致認為菲林既年代已經結束，誰不知今天轉接環的出現，D舊鏡頭又再次大熱啦~~~不過今次入手既係DIANA F 110mm

愛上你的扭計SIX~

最近在家中愛上了玩的東西~如圖.......一開始只係去書局買左個價值5蚊既，而家已經沈迷左落去，上個星期去左玩具反斗城買左個50蚊既黎玩，日扭夜扭~~~~~~

扭計骰（Rubik's Cube），雖然係玩具，但係玩親都死好多老細包同手腕力。最普遍既係三層立方（3×3×3），1974年由一位匈牙利既建築學同埋雕塑學教授魯比克發明。

THINK LIKE AN ARTIST

由出呢張八達通到今日，我都大大話話考慮左成兩個禮拜.....最後決定-買!!!!!!!!我第一眼見到呢張八達通既感覺就係"型"好有style~今日，二話不說，一於買左佢~~~~~903紅髮女DJ~~~~~~~MINI

Mini Choi，又名蔡冕麗。音樂通一名，同時又係本地既填詞人。有時你見到首歌既填詞人叫夏至，其實就係佢。曾兼任叱吒903音樂總監及商業電台內容策劃，直至09年既2月5日宣佈佢最後7日主持叱吒樂壇。