生活態度

每次出街既時候都會問住同一個問題，先唔好理出門口既原因係咩先，返工又好，約朋友又好，落街食野又好etc......如果每次既工作日都係為左等待下一次既放假的話，即係話我既工作如同坐監，係獄中既生活，每天既工作都係數日曆等出獄。如果係咁，我相信精神科今年會多個轉介個案。

好耐之前自己有個想法，好想set一個時段俾自己，將生活中身邊既事物影低。我知好多人都做緊呢樣野，但我有兩個大問題：1.我好懶，行行下拿部手機出黎影下野懶，莫講話攞部DC仔出街。2. 好啦，有心想專登影下野，又會考慮構圖，考慮呢樣果樣，失去左本身隨影既意義。

好耐之前我都講過典型既香港人就係咁，永遠都唔會俾自己停落黎，成日都話無時間，好忙。到真係停一停，細心欣賞身邊既野時候，又會懶得拿部手機影低佢，換個角度講，通常如果自己真係有咁既時間去品味生活，不過快d做埋今日要做既野返屋企訓下覺好過啦~

話返轉頭，已經返左工三個月，其實都習慣左新既工作，工作既時間，個人既生活，好多好多既事情都好似好混亂，不過轉個頭時間又過去了，DAY OFF既日子總會想去做D自己想做既工作，但其實最重要既係搵時間自我修正一下，呢個好緊要～有時呢分鐘PLAN好左要做果樣野，原來下一秒已經FORGET。