車天車地

誰說「外國的月亮一定是圓的?」Stamford Bridge既老牌班霸車路士，仿佛就係以呢個信念響英超立足到今時今日。我由光頭領隊年代開始睇車路士，當時既藍戰士俾我既感覺係一支聯合國部隊，同其他英超球隊唔同既係車路士當年所用既英格蘭球員真係唔係好多，差唔多成隊波都係非英籍既(除左歐盟國球員之外，非歐盟既球員隊中都唔少) 。好記得當年隊波最型既係有球員兼領隊既維埃里，好少可有球隊會有領隊落埋場。成隊波常任正選既英格蘭球員得Dennis Wise，同埋Le Saux(Terry當年都仲未上位)。咁後防大將有咩人?先講門將，有荷蘭二號門神迪高爾(De Goey)，中堅位就勁law，拿保夫，迪西里，迪金斯幾個法國佬任選，左右閘有西班牙既Ferrer同尼日尼亞既巴巴耶路。中場位置，有Wise，同埋而任代領隊，當年既迪馬提奧。要攻擊型既中場有Poyet。左右兩邊有 Le Saux同彼得斯古(羅馬尼亞籍)。前面D尖刀就勁啦，把把都可以插成人。要速度既有，要技術既都有，要射術既都有。Zola，Flo同埋卡沙拉基(Casiraghi)仲有英格蘭前鋒chris sutton。

時至04-05，係我最愛既車路士年代，我都叫佢做摩帥年代。摩連奴入主車路士既第一季，就已經攞左英超既冠軍。到而家我都仲係好懷念摩帥既車路士。當年聯賽只係輸左1場........就係作客1球輸俾曼城。果屆既陣容真係勁到無法形容，摩帥可調動既兵係絕對充足。左右翼有Duff同Robben，前面有魔獸Drogba，中間又有林柏特，防中馬基里尼，Joe Cole。D星星真係多到數唔曬。