享受的一天假期

未講今日既野之前，先講一下近日既至愛先，係，就係佢~華人球員，紐約人既林書豪。真係一粒好耀眼既SUPER STAR，見過佢既演出之後，我都想第一時間買返件紐約人17號著下。好，入正題，新工上任之後，而家放假既日子通常都唔響星期六，日。平日放假唔好既地方係當朋友們放假既時候，你就要返工。當然，凡事有兩面，好既地方係做到好多平時無咩時間處理既事情，例如去下銀行，做自己鍾意做既野，最重要既係條街唔會話好多人響度迫，好享受。

今日就去左捐血，下午1點幾去到，無咩人，又唔使點等，好爽。今次係我第五次去捐血，之前都怕怕，所以唔敢一條友去捐，所以都要同朋友夾時間，而家就大膽左，自己一個人去都無問題。之後原本諗住出去影下相，但最後都係約左兩個老人家食TEA，真係好耐無約佢地下午茶，所以要約下佢地TEA，你知我幾忙啦~~~HA HA HA~~~