Y100

好多人話香港今時今日好既填詞人，都係林夕同Wyman之爭，上一代既林敏聰成日都話唔知而家D歌到底寫D咩，詞不達意。我就反而覺得係時代唔同，表達有所不同。不過一首好既曲，都要有好既歌詞先可以取悅聽眾們，又或者另一個講法係，曲唔受大眾接受，歌詞TOUCH到大家，受歌都可以好HIT~

Wyman響05年曾經出過一隻After Ten 十年選，最近又出左隻Y100，今次隻 Y100收錄左50首Wyman各時期既代表作，當場包括大熱之作《那誰》，另外都收錄左好多首我十分喜愛既作品，包括何韻詩既《木紋》，我到今日都仲聽緊，響我既熱播中係永不落榜既一曲。仲有話就話係草蜢，實際係蔡一傑既《失樂園》，中學果陣成班老死去唱K真係唱到好激GA~

不過今次既作品集中，有收錄佢為EASON寫既幾首作品，但反而就無收錄男人五部曲，即係《葡萄成熟時》﹑《人車誌》﹑《裙下之臣》﹑《沙龍》同《陀飛輪》。《陀飛輪》呢類歌就係我成日所講曲唔係好聽但詞好有意思既歌曲。另外其實Wyman都幫彭羚既作品填過唔少詞，《無人駕駛》就係我較喜歡既作品，可惜今次都係無收錄........