三國志英傑傳

而家寫BLOG真係好似電視做節目咁，點解咁講呢??尋日係玩物系列，之前港甲又輪過，今日又輪返到小學雞系列啦，各位巴打們，唔該將時光機較返到小學雞年代，今日要講既係呢隻陪過我長大既DOS遊戲。可能有部份人唔知咩係DOS，DOS係曾幾何時既一個OS，即係好似而家既WINDOWS咁，果時玩三國志英傑傳既時候，WINDOWS仲係出到3.1版本，而且 WINDOWS 仲未普及化GA~

三國志英傑傳，1995年出品既一隻S-RPG（戰略型角色扮演）遊戲，那些年，我地日日放左學響屋企打，星期六一定會有攻略交流。果時直頭係紅到連我補習老師都有玩，佢仲同我講，最後既鄴III之戰真係打到叫救命~~~~

我又何嘗唔係玩到叫救命，無錯，前幾日又走去玩返打發下時間，不過玩落又真係幾好玩既，又令我再一次跌落那些年既陷阱.......

而家先打到江夏之戰，有排玩.........