回憶

先講講今日既事先，原本返P放工之後如常返屋企，但響火車站巧遇阿belle，之後就同左佢同佢先生食飯啦，家庭﹑買樓﹑工作，無所不談......謝謝鄧生鄧太先~

星期六，herro大婚，今日坐車返工既時間，不知不覺想起佢三兄弟，先講大婚主角先，三兄弟中，我同佢二佬最好朋友，中學之後到而家，大家耐唔耐都有聯絡(有段時間我搬左出官塘住，之後大家撞返)，自問自己讀書無佢地班大哥咁強，但herro中學年代好多時都教我好多野，特別係maths~人大左，大家各有家庭，百般滋味在心頭。

最希望既真係想見返佢大佬同永鴻(三佬)，佢大佬同我響中學係長跑隊既隊友，最記得係佢成日都cheap仔cheap仔咁叫我，但我好佩服佢練習果種認真。

永鴻(三佬)，同我同年，雖然大家唔同班，但會一齊上PE堂，有時唔打波果陣會同佢同大佬豪坐場邊吹吹水，同埋最記得係大家都會切下模型~有一年唔知點解有個模型小組.......