4歲生日

尋日係瑤瑤既4歲生日，朝早我呢個爸爸仲係大覺訓，夫人已經一早帶左佢去健康院驗眼，之後下午就出左去郊野啦~最初係諗住生態遊既，不過就因為我唔太識路，所以變左雲遊﹑再變遊雲，之後咪遊雲地亂咁行LAW~~~~

其實都係自己衰，出發前無睇清楚生態遊既網頁，淨係知道香港除左天水圍有濕地公園之外，原來馬鞍山至西貢都有，咁咪坐架299去LAW~點之坐過龍，去左個唔知咩村.......撞佢鬼~~~~之後點?咪衰衰地坐返小巴去泥涌LAW~唉~~~垃圾仲多過遊人，以前我細個既時侯，泥涌D景好靚，而家只可以叫OK，生態破壞得好嚴重~~~~好明顯，越多人去既地方，生態破壞得既快。即係話：「濕地公園到底係保肓定另一個破壞自然生態呢?」