上圖既野係今年七一遊行果時出現既野，遲左成個月先POST，罪過罪過............今日想講既係我對港漫同日漫既意見。多年以來，香港既漫畫市場一直都係港漫同日漫之爭，先講有主場之利既港漫先，港漫既優勝點包括有：風格優美，有部分有國畫底既寫畫人更加可以將國畫溶入自己既作品之中，而且港漫出得快，雖然每期得果差唔多20頁度，但港漫既主筆好少話會出現脫稿既情況，一星期出一期，保證各位讀者唔會吊癮太耐。但點解佔主場之利既港漫會俾過江龍日漫打到五五波呢?咁就要先了解下日漫既優勝點先啦~日漫既題材好明顯可以造到比港漫廣，而又可以令到我地D香港人好受落，但港漫如果一脫離打鬥既題材就一定會影響銷量.........可以推斷既係，港漫既主筆除左打鬥既題材之外，好少對其他事物作深入體會，做資料搜集(簡稱做功課)。第二點，日漫除左漫畫之外，同步會出好多商品，好似主角公仔﹑遊戲﹑etc..............最殺食既都係動畫市場........而睇返香港，都係呢一兩年先有得響戲院睇到動畫既風雲同麥兜...........
沒有留言:
張貼留言