中學年代：同輩既朋友就好多，不過我果輩就猛人欠奉反而上幾代就猛人林立啦~第一個要提既就係陳漢偉(TERRY)啦~直到而家，耐不耐我都會見到下呢位大哥，讀書一早已經係"神級"唔在講，佢由當年到而家都係唔係好理會人地點睇自己，"別人笑我太瘋癲，我笑他人看不穿"正係佢既寫照......雖然同佢同期既猛人有好多，但我會首選佢，真係超曬班......
第二個猛人就係有港A建之稱既陳港建啦~好多人都讀書勁啦，但何以佢可以入選為我眼中既猛人呢?最主要都係夫人既客觀分析："佢係一個資優"。佢同上面既TERRY好似，不過港A建唔同既地方係唔太在意呢個社會既規範，一於遊戲人生﹑及時行樂。
第三個要提既猛人就係強少-張永強啦~強少同上面果兩位人兄一樣都係讀書人，學者係佢俾人既感覺，同港A建一樣都係科大出身既佢，永遠都係喜歡追求自己喜歡既學問，沈醉於知識既領域。
同樣係中學年代，第四個猛人就係英偉哥-吳英偉啦~佢同上面果三位人兄完全唔同，讀書叫OK又唔係超班馬，何以又成為我眼中的猛人呢?英偉哥最特別既一樣野就係佢係一個典型社會大學出身既人，而家好多人響所謂既名牌大學出身，其實出到黎其實又係一條廢柴.....而英偉哥就正好話俾大家聽，土井出身未讀過大學都有猛人，而且，智力唔差既佢仲好抽得GA~可用"文武雙全"形容。
那記年代：好多人都會諗，醫院多專業人士，一定多猛人啦~非也，聰明人多唔代表可稱得上猛。因為好多都係隨波逐流既死狗，無曬自己既氣質。咁有無我眼中的猛人呢?有，耀祖(阿RICK)就係啦~佢係一個好學既人，本身護士既佢，唔會因為自己係護士而睇小護士既專業，盲目咁認為醫院一定係醫生是對的，醫生大曬。佢認為對病人黎講，醫﹑護一樣咁重要，只係大家岡位唔同。但工作上好多人會因權力既問題而攪到工作做得好死狗，唔肯交個心出黎做野，只係用"打份工姐"既心態工作，可悲......
沒有留言:
張貼留言