你愛做功課嗎?

細個讀書果陣，最鍾意就係上PE堂，最唔鍾意就係考試同做功課，因為我本身就唔係讀書既材料。好啦~到大個左啦~因為工作﹑個人增值，反而不停咁去考試﹑做功課......而運動根本一個月都唔知有無一次，呢D係咪叫做身不由己呢?

自從讀左設計課程之後，開始睇會到一樣野：張沙紙根本唔代表D咩，最重要既係你本身學到幾多。開始鍾意交功課，而且好重視每份功課，因為唔交功課根本學唔到野~有D科根本好吹水，阿SIR話大家忙，唔使大家交功課，其實只係害左你，就算俾你攞到張沙紙又點?出到去個人根本無料到。其實會計都係一樣，唔UPDATE下自己既知識，就算係本地名牌大學出身都一樣無用，唔同院校出身基本上張沙紙係方便你找工作，方便老細選人。但要記住：路遙知馬力，當同人交手既時候，就手底見真章了~