人性 feat.小巴阿叔

1130 插畫班放課後，一架往葵興的小巴上............

小巴司機：喂~阿叔，你俾左車錢未?

阿叔：俾左八達通啦~我會唔會一個幾豪都騙你??

小巴司機：咁請你拍多次卡睇睇。

阿叔：嗱~俾左錢啦~你呢D根本就係以貌取人，你而家係咪冤枉我?我要你賠償俾我，我大把錢，使咩騙你一個幾豪，你而家係侮辱緊我AR!!!!

小巴司機：阿叔，俾左錢咪得LAW~

阿叔：咩AR~而家你侮辱左我AR~我今日大把時間，我坐到站頭都要投訴你，我就要睇下你呢D咁既人平時點做野既~我要投訴你。

小巴司機：對唔住LAW~唔使咁下化?俾左錢咪得LAW~

阿叔：咩AR~而家你侮辱左我WOW而家，我要投訴你!

前排乘客甲：算啦~阿叔，好少事姐，司機唔係咁意思..........

(鬧戲維持10分鐘後.......小巴司機欲繼續開車...........)

(阿叔強行坐在司機後)

阿叔：我今日大把時間，我坐到站頭都要投訴你，我真係要睇下你呢D咁既人平時點做野AR~

小巴司機：唉~阿叔，你如果真係要投訴既，返站頭同站長講啦~

前排乘客甲：阿叔，你去到站頭先同站長講啦~而家俾司機專心開車先啦~咁樣好容易撞車GA~

阿叔：撞車咪撞車LAW~我爛命一條唔驚佢~

後排師奶：喂~阿叔，你投訴既話落車先同站長講，而家成車人陪你一齊抄車AR!!!!!

阿叔：成車咪成車LAW~

後排師奶：你要死既一個人好啦，唔好要其他人陪你!

前排乘客乙：唔好鬧啦~唔好鬧啦~佢自然會收聲GA啦~

如果你係筆者，你會點?

A. 最近一個站/即刻落車，以保自己安全。

B. 即刻用手機拍低佢。

C. 加入戰團，叫個阿叔收聲，幫手趕佢落車。

D. 叫司機停車報警。