16項有關我的事情

1. 我有一個3歲大既女兒，叫何雅瑤。

2. 我愛戴美恩，我諗大家都知啦~

3. 雖然我讀書同工作都係同會計有關，但其實我夢想係做護士。

4. 我自己一個人出街一定會帶I POD TOUCH聽歌，因為我好怕悶。

5. 中學階段我係長跑隊既成員。

6. 我係家中既獨仔。(由一出世到而家都唔想有兄弟姊妹)

7. 我好鍾意日本既兩隊樂團：SPEED同HIGH & MIGHTY COLOUR

8. 我成日都會問自已：如果呢個世界無左電腦，我會唔會唔識生活?

9. 以前既我係一個熱血青年，有左家室之後只想平淡渡日。

10. 次次出親街都一定會睇電腦(高科技產品)﹑行運動用品店﹑書店。其他店舖無必要一概唔入。

11. 以前有養烏龜，佢死左之後再無養寵物啦~

12. 我有追開牛佬既古惑仔漫畫。

13. 直到而家，覺得最好睇既電視劇始終都係男親女愛。

14. 我係一個好口臭﹑串咀同無口德既人。

15. 我係一個唔多著重整齊既人，公司張辦公桌同埋屋企都係十分凌亂。

16. 瑤瑤未出世之前，希望自己可以有三個小朋友，瑤瑤出世之後，唔想再多添小朋友。(雖然老婆想要多個.......)